ދިވެހި ޕްރިމިއާ ލީގުގެ ޓައިޓަލް ސްޕޮންސަރަކަށް އެމްޑަބްލިއުއެސްސީ ހަމަޖައްސައިފި އެވެ.

އެފްއޭއެމްގެ ރައީސް ބައްސާމް އަދީލް ޖަލީލް މިއަދު ކުރެއްވި ޓްވީޓްގައި ވިދާޅުވީ ދިވެހި ޕްރިމިއާ ލީގުގެ މި ސިޒަންގެ ސްޕޮންސަރަކަށް އެމްޑަބްލިއުއެސްސީ ހަމަޖައްސާފައިވާ ކަމަށެވެ. 

އަދި ދިވެހި ފުޓުބޯޅަ ކުރިއެރުވުމަށް އެމްޑަބްލިއުއެސްސީ ގެ މެނޭޖިން ޑިރެކްޓަރު ހަސަން ޝާހު އަބަދުވެސް ކުރައްވާ މަސައްކަތަށް ޝުކުރު އަދާކުރައްވާ ކަމަށް ބައްސާމް ވިދާޅުވި އެވެ. 

Advertisement

"ދިވެހި ޕްރިމިއާ ލީގު 2023 ގެ ޓައިޓަލް ސްޕޮންސާގެ ގޮތުގައި އެމްޑަބްލިއުއެސްސީ އަށް މަރުހަބާ ކިޔުމަކީ އަޅުގަނޑަށް ލިބޭ އުފަލެއް،" ބައްސާމްގެ ޓްވީޓްގައި ވެއެވެ.

މިއީ ޓެލްކޮމިޔުނިކޭޝަން އިންޑަސްޓްރީގެ ބޭރުން ދިވެހި ލީގަށް ޓައިޓަލް ސްޕޮންސެއް ހަމަޖެއްސި ފުރަތަމަ ފަހަރެވެ. މީގެ ކުރިން ލީގުގެ ޓައިޓަލް ސްޕޮންސާޝިޕް މުޅިން ވެސް ނަގައިފައިވަނީ ދިރާގާއި އުރީދޫ އެވެ. މިދިޔަ ދެ ސީޒަންގައި ލީގުގެ ސްޕޮންސަރަކީ ދިރާގެވެ.

މި އަހަރުގެ ދިވެހި ޕްރިމިއާ ލީގުގެ ފުރަތަމަ މެޗުގައި މިއަދު ހަވީރު ވާދަ ކުރާނީ ކްލަބް ވެލެންސިއާ އާއި ޓީސީ ސްޕޯޓްސް ކްލަބެވެ.