14 އަހަރުގެ ކުއްޖާ އަށް ޖިންސީ ގޯނާ ކުރި ކަމުގެ ތުހުމަތު ގިނަ ބަޔަކަށް ކޮށްފިއެވެ. 

އުތުރުގެ ރަށެއްގައި 14 އަހަރުގެ ކުއްޖަކަށް ޖިންސީ ގޯނާ ކުރިކަމުގެ ޚަބަރާއި އެކު އެކަމުގައި 19 ފިރިހެނަކު ބައިވެރިވި ކަމުގެ ވާހަކަ މިހާރު ވަނި ފެންމަތިވެފައެވެ.

ފުލުހުން މިއަދު ހާމަކުރި ގޮތުގައި އުތުރުގެ ރަށެއްގައި 14 އަހަރުގެ އަންހެން ކުއްޖަކަށް ޖިންސީ ގޯނާކުރިކަމަށް ތުހުމަތު ކުރެވޭ މައްސަލައެއް މިދިޔަ މަހުގެ 29 ވަނަ ދުވަހު ފުލުހަށް ހުށައަޅައިފައިވެއެވެ. އަދި މި މައްސަލަ މިހާރު ތަހުގީގުކުރާ ކަމަށް ފުލުހުން ވަނީ ބުނެފައެވެ.

Advertisement

މި މައްސަލައަކީ ކުޑަކުއްޖަކު ހިމެނޭ މައްސަލައަކަށް ވަތީ ކުއްޖާގެ ރައްކާތެރިކަން ކަށަވަރު ކުރުމަށްޓަކައި އެކުއްޖާގެ އަތޮޅާއި ރަށް ފުލުހުން ހާމަކޮށްފައެއް ނުވެއެވެ.

މި މައްސަލައިގައި 19 ފިރިހެނަކު އެ ކުއްޖާއަށް ޖިންސީ ގޯނާކުރި ކަމަށް އެރަށު ބައެއް މީހުން ވަނީ ބުނެފައެވެ. އޭގެ ތެރޭގައި އެ ކުއްޖާގެ އާއިލާގެ މީހުންނާއި ރަށުން ބޭރު މީހުން ހިމެނޭކަމަށް ވެސް ބުނެއެވެ.

އެ ކުއްޖާއަށް ޖިންސީ ގޯނާކުރާ ކަން އެ ކުއްޖާގެ މަންމައަށް އެނގޭ ކަމަށާއި، އަދި އެ މައްސަލަ ތަހުގީގު ކުރުމަށް އެ ކުއްޖާގެ މަންމަ ގެ  ފަރާތުން އެއްވެސް ކަހަލަ އެއްބާރުލުމެއް ނުލިބޭ ކަމަށް ވެސް ބުނެފައިވެއެވެ.

އެ ރަށު މީހުން ބުނަނީ، ޖިންސީ ގޯނާގެ ޝިކާރައަކަށްވި، އެ ކުއްޖާ މިިދިޔަ ރޯދަމަހު ސްކޫލަށް ގޮސްފައި ނުވާކަމަށެވެ.