މި އަހަރުގެ މިހާތަނަށް މަސްވެރިންނަށް ދޫކުރި ފައިސާގެ އަދަދު 500 މިލިއަން ރުފިޔާއަށް އަރައިފި ކަމަށް މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް (މިފްކޯ)އިން ބުނެފިއެވެ.
މިދިޔަ އަހަރާ އަޅާ ބަލާއިރު، މި އަހަރު މިފްކޯގެ ސައިޓުތަކަށް މަސް ގަނެފައިވާ މިންވަރު މި އަހަރު ވަނީ މަތިވެފައެވެ.
އެގޮތުން މި އަހަރުގެ މިހާތަނަށް ވެލިވަރު ފިޝަރީޒް ކޮމްޕްލެކްސްއަށް 3821 މެޓްރިކްޓަނުގެ މަސް ގަނެފައި ވާއިރު، މިދިޔަ އަހަރުގެ މި މުއްދަތުގައި އެތަނުން ގަނެފައި ވަނީ 3483 މެޓްރިކްޓަނުގެ މަހެވެ. އެހެންކަމުން މިއީ 10 އިންސައްތައިގެ ކުރިއެރުމެކެވެ.
ކޫއްޑޫ ފިޝަރީޒް ކޮމްޕްލެކްސްއަށް މިއަހަރުގެ މިހާތަނަށް 22923 މެޓްރިކް ޓަނުގެ މަސް ގަނެފައި ވާއިރު، މިދިޔަ އަހަރުގެ މި މުއްދަތުގައި ނަގެފައި ވަނީ 19198 ޓަނުގެ މަހެވެ. އެއީ 19 އިންސައްތައިގެ ކުރިއެރުމެކެވެ.
އައްޑޫ ފިޝަރީޒް ކޮޕްލެކްސްއަށް މި އަހަރު ގަނެފައި ވަނީ 3681 މެޓްރިކް ޓަނުގެ މަހެވެ. މިިދިޔަ އަހަރުގެ މި މުއްދަތުގައި ގަނެފައި ވަނީ 2498 ޓަނުގެ މަހެވެ. މިއީ 47 އިންސައްތައިގެން ކުރިއެރުމެކެވެ.
މި އަހަރުގެ 18 ވަނަ ހަފްތާގެ ނިޔަލަށް ކިރާފައިވާ މަހަށް ޖުމުލަ 505 މިލިއަން ރުފިޔާ މަސްވެރިންނަށް ދޫކޮށްފައި ވާއިރު މިދިޔަ އަހަރުގެ މި މުއްދަތުގައި ދޫކޮށްފައި ވަނީ 405 މިލިއަނެވެ. އެހެންކަމުން މިއީ 21 އިންސައްތައިގެ ކުރިއެރުމެކެވެ.
Advertisement
This content is created and paid for by advertisers and does not involve Voice Journalists
