ހުޅުމާލެ އިން އިތުރަށް ބިން ހިއްކުމަށް ސަރުކާރާއި އާބަންކޯ މަޝްވަރާ ކުރަމުން ދާ ކަމަށް އާބަންކޯ އިން ބުނެފިއެވެ.

އާބަންކޯ އިން ބުނީ ހުޅުމާލެ އިތުރަށް ހިއްކުމުގެ މަޝްވަރާތަކެއް އެކޯޕަރޭޝަނާއި ސަރުކާރާއި ގުޅިގެން އަންނަނީ ކުރަމުން ކަމަށާއި، އެކަމުގައި ވަކި ގޮތެއް އަދި ނިންމާފައި ނުވާ ކަމަށް ވެސް އެކުންފުނިން ބުނެފައި ވެއެވެ.

ހުޅުމާލޭގެ ފޭސް އެކެއް އަދި ފޭސް 2 ބޭރުން ހިއްކާ މި ސަރަހައްދަކީ ކުރިން ޔޮޓް މެރީނާއަކާއި ކުރޫޒް ޓާމިނަލެއް ތަރައްޤީކުރުމަށް ޚާއްޞަކޮށްފައިވާ ފަޅެކެވެ. އެކަން ކުރުމަށް ކުރީ ސަރުކާރުން އެ ފަޅުގައި 2، 3 ރަށްވެސް ހިއްކާފައިވެއެވެ.

Advertisement

ރާއްޖޭގައި ކުރޫޒު ޓާމިނަލެއް އަދި އެކަށީގެންވާ މިންވަރުގެ ޔޮޓު މެރީނާއެއް ނެތުމުން އެކަމަށް ޚާއްޞަކޮށް މި ފަޅު ތަރައްޤީކުރަން އެއިރު ނިންމިއެވެ.

މި ދަނޑިވަޅަކީ މާލޭގެ ރަށް ވެހިންނަށް ގޯތި ދޫކުރާ ވާހަކަ ދެކެވިފައިވާ ދަނޑި ވަޅެކެވެ.

ހުޅުމާލެ އިން އިތުރު ތަނެއް ހިއްކާ ވާހަކަ އިޢްލާނު ކުރުމާއި އެކު އާންމުން ދަނީ ކަންބޮޑުވުން ފާޅު ކުރަމުންނެވެ.