ހުޅުމާލޭގެ މާސްޓަރ ޕްލޭން ބަދަލު ކުރުމަކީ އޭގެ ނޭދެވޭ އަސަރުތައް ތާއަބަދަށް ފޯރާނެ ކަމެއް ކަމަށް ކެންދޫ ދާއިރާގެ މަޖިލިސް މެމްބަރ ޢަލީ ހުސެއިން ވިދާޅުވެއްޖެއެވެ.
ޢަލީ ހުސެއިން މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.
"ހުޅުމާލޭގެ މާސްޓަރ ޕްލޭން ބަދަލު ކުރުމަކީ އޭގެ ނޭދެވޭ އަސަރުތައް ތާއަބަދަށް ފޯރާނެ ކަމެއް. މާލޭގެ ބަނދަރުން ޖާގަ ނުލިބިގެން ރައްޔިތުން އުފުލަންޖެހޭ ތަކުލީފުތައް މިހާރުވެސް އިންތިހާއަށް ބޮޑު" ޢަލީ ހުސެއިންގެ ޓްވީޓުގައި ވިދާޅުވެފައިވެއެވެ.
ޢަލީ ހުސެއިން މިހެން ވިދާޅުވީ ހުޅުމާލޭގެ މާސްޓަރ ޕްލޭނަށް ބޮޑު ބަދަލެއް ގެނެސް، ކްރޫޒް ޓާމިނަލަށް ހާއްސަކޮށްފައި އޮތް ބައި ހިއްކަން އުޅޭ ވާހަކަ ބުނެފައި އޮތް ޚަބަރެއް ހިއްސާ ކުރައްވަމުން ނެވެ.
މިވާހަކަތައް މިއަދު މީސްމީޑިއާގައި ފެތުރެމުން ދަނިކޮށް އާބަންކޯ އިން ވަނީ އެވާހަކަ ދޮގު ކޮށްފައެެވެ. އާބަންކޯއިން ބުނީ ހުޅުމާލެ އިތުރަށް ހިއްކުމުގެ މަޝްވަރާތަކެއް އެކޯޕަރޭޝަނާއި ސަރުކާރާއި ގުޅިގެން އަންނަނީ ކުރަމުން ކަމަށެވެ. އަދި އެކަމުގައި ވަކި ގޮތެއް ނިންމާފައި ނުވާ ކަމަށްވެސް އެކުންފުނިން ބުނެފައިވެއެެވެ.
ހުޅުމާލޭގެ ފޭސް އެކެއް އަދި ފޭސް 2 ބޭރުން ހިއްކާ މި ސަރަހައްދަކީ ކުރިން ޔޮޓް މެރީނާއަކާއި ކުރޫޒް ޓާމިނަލެއް ތަރައްޤީކުރުމަށް ޚާއްޞަކޮށްފައިވާ ފަޅެކެވެ. އެކަން ކުރުމަށް ކުރީ ސަރުކާރުން އެ ފަޅުގައި 2، 3 ރަށްވެސް ހިއްކާފައިވެއެވެ.
ރާއްޖޭގައި ކުރޫޒު ޓާމިނަލެއް އަދި އެކަށީގެންވާ މިންވަރުގެ ޔޮޓު މެރީނާއެއް ނެތުމުން އެކަމަށް ޚާއްޞަކޮށް މި ފަޅު ތަރައްޤީކުރަން އެއިރު ނިންމިއެވެ.
Advertisement
This content is created and paid for by advertisers and does not involve Voice Journalists
