ފަލަސްޠީނުގެ ޣައްޒާ އަށް އިޒްރާއިލުން ދެމުންދާ ވައިގެ ހަމަލާތައް އަދިވެސް ހުއްޓުމެއް ނެތި ދަނީ ދެމުންމެވެ.
ޣައްޒާ އަށް ދޭން ފެށި ހަމަލާތައް ދޭން ފެށިތާ މިއަދަަށް ތިން ދުވަސް ވެފައި ވާއިރު، ޣައްޒާ އިން ޝަހީދުވި މީހުންގެ ޢަދަދު 26 ވަނީ އަރައިފައެވެ. އަދި މިހާތަނަށް 80 މީހަކަށް ވަނީ އެކި ވަރުގެ ޒަހަމްތައް ލިބިފައިވެއެެވެ.
މި ހަމަލާތަކުގައި ޝަހީދުވި މީހުންގެ ތެރޭގައި ފަލަސްޠީނުގައި ހަރަކާތްތެރިވާ އިސްލާމިކް ޖިހާދު ގްރޫޕްގެ ލީޑަރުވެސް ހިމެނެއެވެ.
އިޒްރާއިލުން ދިން ހަމަލާތަކުގެ ރައްދުގައި ފަލަސްޠީނުގެ ހަތިޔާރު އެޅި ގްރޫޕަކުން ވަނީ 400 ރޮކެޓް ފޮނުވައިލައި ފައި ކަމަށް އަލްޖަޒީގައި ބުނެފައިވެއެވެ.
ހަމަލާތަކުގައި ޒަހަމްވެ އަނިޔާ ލިބެމުންދާ މީހުން ފަރުވާ އަށް ގެންދިޔުމަށް ބޭނުން ކުރަން ހުރި މަގުތައް އިޒްރާއިލް ސިފައިން ވަނީ ބަންދުކޮށްފައެވެ. އަދި އެމީހުން ހޮސްޕިޓަލަށް ގެންދިޔުމަށް އެ މަގުތައް ހުޅުވުމަށް އިޒްރާއިލް ސިފައިން ދަނީ ދެކޮޅު ހަދަމުންނެވެ.
މިހާތަނަށް 140 މީހަކު ފަރުވާ އަށް ޣައްޒާ އިން ބޭރަށް ގެންދިޔުމަށް ދެކޮޅުހަދައިފައި ވާ ކަމަށް އަލްޖަޒީރާގައި ބުނެފައިވެއެވެ. މީގެ ތެރޭގައި މަރާއި ހަނގުރާމަ ކުރަމުންދާ ބަލި މީހުންވެސް ހިމެނެއެވެ.
Advertisement
This content is created and paid for by advertisers and does not involve Voice Journalists
