ރައްޔިތުންގެ މަޖިލީހުގެ މަތިވެރި ދާއިރާގެ މެމްބަރު ހަސަން ޒަރީރަށް ހަމަލާދިން މައްސަލައާއި ގުޅިގެން ދެ މީހުން ހައްޔަރުކޮށްފި އެވެ. 

ޒަރީރަށް ހަމަލާދީ ޒަޚަމްކޮށްލާފައިވަނީ މޭމަހުގެ 1 ވަނަ ދުވަހުގެ ފަތިހުގެ ވަގުތެއްގަ އެވެ. އޭނާއަށް ހަމަލާދިނީ ޙަމަލާ ދީފައިވަނީ ހަބީބީ ކެފޭ އެންޑް ބިސްޓްރޯ ތެރޭގައި އިންނަވަނިކޮށެވެ. 

އެ މައްސަލައާއި ގުޅިގެން ފުލުހުން ބުނީ މެމްބަރު ޒަރީރަށް ހަމަލާދިން މައްސަލައިގައި ކޯޓު އަމުރުގެ ދަށުން މި މަހުގެ 11 ވަނަ ދުވަހު ދިވެހި ދެ ފިރިހެނުން ހައްޔަރުކޮށްފައި ވާ ކަމަށެވެ. އެއީ 21 އަހަރުގެ ފިރިހެނަކާއި 22 އަހަރުގެ ފިރިހެނެކެވެ. 

އެ ދެމީހުންގެ ބަންދަށްވެސް ކްރިމިނަލް ކޯޓުން ވަނީ 15 ދުވަހުގެ މުއްދަތެއް ފީދަ އެވެ. 

އޭގެ އިތުރުން ފުލުހުން ބުނީ އެ މައްސަލަ ތަހުގީގުކަމުންދާ ކަމަށެވެ. 

މެމްބަރު ޒަރީރަށް ދިން ހަމަލާއާއި ގުޅިގެން ލިބުނު އަނިޔާތަކަށް ވަނީ އޭޑީކޭ ހޮސްޕިޓަލުގައި ފަރިވާ ހޯއްދަވާފަ އެވެ. އެ ހަމަލާގައި ޒަރީރަށް ބޮޑެތި ޒަޚަމްތަކެއް ލިބިފައިވާކަމަށް މައުލޫމާތު ލިބެއެވެ. 

ޒަރީރަށް ހަމަލާދިން މައްސަލަ އޭނާ ނިސްބަތްވެ ވަޑައިގަންނަވާ އެމްޑީޕީން ވެސް ވަނީ ކުށްވެރިކޮށްފަ އެވެ. އަދި އެކަން ތަހުގީގުކުރުމަށް އެ ޕާޓީން ވަނީ ގޮވާލާފަ އެވެ.