ޣައްޒާ އަށް އިޒްރާއިލުން ދެމުންދާ ހަމަލާތައް ދިވެހި ސަރުކާރުން ކުށްވެރިކޮށްފިއެވެ.
ދިވެހި ރާއްޖޭގެ ޚާރިޖީ ވުޒާރާއިން ނެރެފައިވާ ނޫސްބަޔާނެއްގައި މިކަންވަނީ ހަރުކަށި ޢިބާރާތުން ކުށްވެރިކޮށްފައެވެ.
އެގޮތުން އެބަޔާނުގައި ބުނެފައި ވަނީ އިޒްރާއިލުން ޣައްޒާ އަށް ދެމުންދާ ހަމަލާތަކުގެ ސަބަބުން 31 މީހުން ޝަހީދު ވެފައި ވާކަމަށެވެ.
އިޒްރޭލު ސިފައިން ދިން ހަމަލާތަކުގެ ސަބަބުން ފަލަސްތީނުގެ އާންމު ރައްޔިތުން ގެ ތެރެއިމް ގިނަ ބަޔަކު ޒަހަމްވެފައިވާ ކަމަށާއި ގިނަ ގިނަ އަދަދެއްގެ އާންމުން ދިރިއުޅޭ އިމާރާތްތައްވެސް ހަލާކުވެފައިވާކަމަށް އެ ވުޒާރާއިން ބުނެފައިވެއެވެ.
އެ ހަމާލަތަކަކީ ބައިނަލްއަޤްވާމީ ޤާނޫނު ތަކާއި ޚިލާފު އަދި ޔުނައިޓެޑް ނޭޝަންސް ޖެނެރަލް އެސެމްބްލީ (ޔޫއެންޖީއޭ)ގެ ރިޒޮލިއުޝަންތަކާ ހިލާފުކަމެއް ކަމަށާއި އިޒްރާއިލުން ޣައްޒާ އަށް ދެމުންގެންދާ ހަމަލާތަކުގެ ސަބަބުން އެ ސަރަހައްދުގައި އަމަން ޤާއިމުކުރުމަށް ކުރާ މަސައްކަތަށް ހުރަސް އެޅެމުންދާކަމަށްވެސް އެވުޒާރާއިން ބުނެފައިވެއެވެ.
ރާއްޖޭއާއި ރާއްޖޭގެ ރައްޔިތުން ތިބީ ފަލަސްޠީނާއި އެޤައުމުގެ ރައްޔިތުންނާއެކު ކަމަށާއި ފަލަސްޠީނުގެ މިނިވަންކަމަށް އެ ޤައުމުގެ ރައްޔިތުން ކުރަމުން އަންނަ މަސައްކަތަށް ރާއްޖެއިން އަބަދުވެސް ތާއިދުކުރާނެ ކަމަށް ޚާރިޖީ ވުޒާރާއިން ނެރެފައިވާ ބަޔާނުގައި ބުނެފައިވެެއެވެ.
ފަލަސްޠީނުގެ ރައްޔިތުންނަށް މިނިވަން އަދި މުސްތަޤިއްލު ދަޢުލަތެއް ޤާއިމުކުރުމަށާއި، އަބުރުވެރިކަމާއެކު ދިރިއުޅުމުގެ ހައްޤު ކަށަވަރުކުރުމަށް ކުރާ މަސައްކަތްތަކަށް ދިވެހި ސަރުކާރުން އަބަދުވެސް ތާޢީދުކޮށް، އެއްބާރުލުންދޭނެކަމަށް މި ބަޔާނުގައި ބުނެފައިވެއެވެ. އަދި މި މައްސަލައަށް ދާއިމީ ސުލްހަވެރި ހައްލެއް ގެނެވޭނީ "ޓޫ ސްޓޭޓް ސޮލިއުޝަން" ނުވަތަ ފަލަސްޠީނާއި އިސްރާއީލަކީ ވަކި ދެ ދައުލަތެއްގެ ގޮތުގައި ޤާއިމުކުރެވިގެންކަން މި ބަޔާނުގައި ބުނެފައިވެއެވެ.
އަދި މިކަމަށް ސުލްހަވެރި ހައްލެއް ގެނެވޭނީ 1967 ގެ ކުރިން އޮތް ބޯޑަރުތަކުގެ މައްޗަށް ބިނާކޮށް، އިރުމަތީ ގުދުސްއަކީ ފަލަސްޠީނުގެ ވެރިރަށުގެ ގޮތުގައި ބަލައިގަނެގެންކަމަށްވެސް ޚާރިޖީ ވުޒާރާގެ ބަޔާނުގައި ވެއެވެ.
ފަލަސްޠީނުގެ މައްސަލަ ހައްލުވާނީ "ޓޫ ސްޓޭޓް ސޮލިއުޝަން" ދެވިގެން ކަމަށް ދިވެހި ސަރުކާރުން ބުނާއިރު، ފަލަސްޠީނަކީ އިސްރާއީލްގެ ތަނެއް ނޫންކަމާއި، މީހެ އަހަރު ތެކެއް ކުރިން އިސްރާއީލް އަކީ އޮތް ތަނެއް ނޫން ކަންވެސް ތާރީޚް ބަލާލުމުން އެނގެއެވެ. އަދި، ފަލަސްޠީނުގައި އިސްރާއީލުގެ ޔަހޫދީން ދިރިއުޅެމުންދަނީ އެތަނަށް ގަދަކަމުން ވެރިވެގަނެ، މުސްލިމުންގެ
Advertisement
This content is created and paid for by advertisers and does not involve Voice Journalists
