އިންޑިޔާގެ  އެސަމްބްލީ އަށް މެމްބަރުން ހޮވުމަށް ބޭއްވި ކޮންގްރެސް އިންތިޚާބުގައި ކަރްނާޓަކާގެ އަންހެން ދަރިވަރުންނަށް ބުރުގާ އެޅުން މަނާ ކުރި އެޑިޔުކޭޝަން މިނިސްޓަރު ބީސީ ނާގޭޝް އިންތިޚާުބުގައި ވާދަކޮށް ނާކާމިޔާބު ވެއްޖެއެެވެ.

ބީޖޭޕީގެ ފަރާތުން ވާދަ ކުރި ނާގޭޝް ގެ ގޮނޑި ގެެއްލިފައިވަނީ ކޮންގްރެސް ޕާޓީ އިން ވާދަކުރި ކޭ ޝަދަކްޝާރީ އާއި ވާދަކޮށް 17652 ވޯޓުގެ ތަފާތުންނެވެ. 

ކޮންގްރެސްގެ ފަރާތުން ކަރްނާޓަކާގައި ގާއިމް ކުރެވިފައިވާ ބުރުގާ މަނާ ކުރުން ނިމުމަކަށް ގެންނާނެ ކަމަށް ކޮންގްރެސްގައި ހިމެނޭ ހަމައެކަނި މުސްލިމަ އެމްއެލްއޭ ކަނީޒް ފާތިމާ ބުނެފައިވެއެވެ.

"ﷲގެ އިރާދައާއި އެކު ދަރިވަރުންނަށް ބުރުގާ އެޅުން މަނާ ކޮށްފައި އިތް އޮތުން ނިމުމަކަށް ގެނެސް، ކިޔެވުމުގެ ހައްޤުން މަހްރޫމް ކުރެވުނު ކުދިނަ ކްލާސްތަކަށް އަނބުރާ ގެނެސް އެކުދިންނަށް އިމްތިހާނުގައި ބައިވެރިވެވޭނެ ގޮތް ހަދާނަން، 2 އަަހަރު އެކުދިންނަށް ގެއްލިގެން އެދިޔައީ" ކަނީޒް ފާތިމާ ބުނެފައިވެއެއެވެ.

ކޮންގްރެސް ޕާޓީ އިން ރަސްމީކޮށް އަދި މިކަމާއި ގުޅޭ ގޮތުން އެއްޗެއް ބުނެފައެއް ނުވެއެވެ. ކަރްނާޓަކާގެ މުސްލިމް އަންހެން ކުދިން ކޮލެޖަށް ދާއިރު ބުރުގާ އެޅުމުގެ މައްސަލަ ފެށިގެން ދިޔައީ ބުރުގާ އަޅައިގެން އުޅޭ ކުދިންނަށް ބުރުގާ އަޅައިގެން ކޮލެޖަށް ނުވަދެވޭނެ ކަމަށް 2021 ޑިސެމްބަރުގައި އެންގުމުންމެވެ. މިމައްސަލައިގައި މަގުމަތީ ހަރަކާތްތަކެއް ވެސް ކުރިއަށް ގެންގޮސްފައިވެއެވެ.

މިމައްސަލަ ހައި ކޯޓަށް ހުށައަޅައި 2022 ވަނަ އަހަރުގެ ފެބްރުއަރީ ގައި ނިންމީ ކޮލެޖް ތަކަށާއި ސްކޫލްތަކަށް  ބުރުގާ އަޅައިގެން ނުވަދެވޭނެ ކަަމަށެވެ.

އިންޑިޔާގެ ކަރްނާޓަކާގެ އެސަމްބްލީ ގެ މެޖޯރޮޓީ ހޯދައިފައިވަނީ ކޮންގްރެސް ޕާޓީ އިންނެވެ. 224 ގޮނޑީގެ ތެރެއިން 136 ގޮނޑި ކޮންގްރެސް އިން ކާމިޔާބު ކޮށްފައި ވާއިރު ބީޖޭޕީ އަށް ކާމިޔާބު ވެފައިވަނީ 65 ގޮނޑިއެވެ.