ކޭ-ޕާރކް ޕާޓްމެންޓްތަކެއް ވިއްކުމުގެ ނަމުގައި މަކަރާއި ހީލަތްހަދައި، ބޮޑެތި ޢަދަދުތަކުން ގިނަ ބައެއްގެ އަތުން ފައިސާ ނެގި މައްސަލައާއި ގުޅުންހުރި ކަމަށް ތުހުމަތު ކުރެވޭ މީހުންނާއި ގުޅުންހުރި ބައެއް ތަންތަން ފުލުހުން ބަލައިފާސްކޮށްފިއެވެ.
ހަންބޯ ކުންފުންޏާއި އެޗްޑީސީއާއިއެކު ހަދާފައިވާ އެއްބަސްވުމުގެ ދަށުން ހުޅުމާލޭގައި ޢިމާރާތްކޮށްކުރަމުންދާ ކޭ-ޕާކް ރެސިޑެންސްގެ އެޕާޓްމަންޓްތައް ހަންބޯ ކުންފުނީގެ ނަމުގައި ހަދާފައިވާ ފޯޖު ލިޔުންތައް ބޭނުންކޮށްގެން އެޕާޓްމަންޓްތައް އާންމުނަށް ވިއްކަމުންދާކަމަށް ތުހުމަތުކުރެވޭ މައްސަލަ ފުލުހަށް ހުށައެޅީ އެޗްޑީސީންނެވެ.
އެމައްސަލައާއި އާއި ގުޅިގެން ބައެއް މީހުންގެ ޕާސްޕޯޓްތައްވެސް މިހާރު ވަނީ ފުލުހުން ހިފަހައްޓައިފައެވެ.
އަދި ކޭ-ޕާރކް ރެސިޑެންސްއިން އެޕާޓްމަންޓް ގަނެފައިވާ ފަރާތްތަކުން އެއްވެސް ޝަކުވާއެއް އޮތްނަމަ އެކަން ވީ އެންމެ އަވަހަކަށް ފުލުހުންނާ ހިއްސާކުރުމަށް އެ އިދާރާއިން ވަނީ އެދިފައެވެ.
ކޭ ޕާކް ރެސިޑެންސް ރަސްމީކޮށް ލޯންޗްކޮށްފައިވަނީ 2016 ވަނަ އަހަރުގެ ނޮވެމްބަރ މަހުގެ ތެރޭގައެވެ. ކޭ-ޕާކް ރެސިޑެންސަކީ ކޮރެއާގެ ހަންބޯ ކުންފުނިން ކުރިއަށްގެންދާ 14 ބުރީގެ 110 އެޕާޓްމަންޓް ތަރައްޤީކުރުމުގެ މަޝްރޫޢުއެކެވެ.
Advertisement
This content is created and paid for by advertisers and does not involve Voice Journalists
