ހަލުއިދާ އަކީ ވަރަށް މަދު ތަކެތި ބޭނުންކޮށްގެން ވަރަށް ފަސޭހަ ކަމާއިއެކު ތައްޔާރު ކޮށްލެވޭ މީރު ފޮނި ބާވަތެކެވެ. 

7 ޖޯޑު ފެން

1 ޕެކެޓް ހަލުއިދާ 

½ 1 ގެރިކިރު ދަޅު

ކާކުލަ

1. ހަލުއިދާ ބޮނޑީގެ 10 އިންޗި ވަރުވާ ބައިގަނޑެއް ކަތުރަކުން ބުރިކޮށްލުމަށްފަހު އެބައި ކުދި ކުދިކޮށް ކޮށާލާށެވެ. 

2. ދެން 2 ޖޯޑު ފެން ބޯތަށްޓަކަށް އެޅުމަށްފަހު އޭގެ ތެރެއަށް ކޮށި ހަލުއިދާތައް އަޅާލާފައި ފޯކުރަން ބަހައްޓާށެވެ.

3. އެއަށްފަހު 5 ޖޯޑު ފެން ތެއްޔަކަށް އަޅައި އުނދުން މައްޗަށް އުދައި ފެންގަނޑު ބޮކިޖަހާ ކެކިގަންނަންދެން ކައްކާށެވެ.

4. ފެންގަނޑު ކެކި ގަތުމުން ފޯކުރަން ބެހެއްޓި ހަލުއިދާތައް ތެއްޔަށް އަޅާފައި ހުއްޓާނުލާ ހަލުއިދާކޮޅު ފެނުގެ ތެރެއަށް ރަނގަޅަށް ވިރެން ދެން ހަލުވާށެވެ. 

5. ހަލުއިދާ ތައް ވިރުމުން ގެރިކިރާއި ކާކުލަ ކޮޅު އަޅައި ރަނގަޅަށް އެއްކޮށްލުމަށްފަހު އުނދުން ނިއްވާލާށެވެ. 

6. ދެން ތަބަކެއްގެ ތެރެއަށް ކެއްކި ހަލުއިދާ އަޅާލުމަށްފަހު އައިސް އަލަމާރިއަށް ލައި ހަލުއިދާ ސެޓް ކުރަން ބަހައްޓާށެވެ. ބޭނުން ނަމަ މައްޗަށް ކަނަމަދު ކޮޅެއް ކޮށާފައިބުރުވާވެސް ލެވިދާނެއެވެ. ރަނގަޅަށް ސެޓުވުމުން ބޭނުންވާ ސައިޒަކަށް ކަފާލާށެވެ.