އޮޅިގެން ޓައިވާނަށް ސަފީރަކު ކަނޑައަޅަން ސިޓީ ފޮނުވިފައި ވާތީ، ދިވެހިރާއްޖޭގެ ފޮރިން މިނިސްޓްރީންގެ ޗައިނާގެ ކިބައިން މައާފަށް އެދިއްޖެއެވެ.

ޗައިނާއަށް އަލަށް ކަނޑައަޅާ ސަފީރަށް ރުހުން ހޯދުމަށް ރައީސުލް ޖުމްހޫރިއްޔާ އިބްރާހިމް މުހައްމަދު ޞާލިހު ރައްޔިތުންހެ މަޖިލީހަށް ފޮނުއްވެވި ސިޓީފުޅުގައި ޕީޕަލްސް ރިޕަބްލިކް އޮފް ޗައިނާގެ ބަދަލުގައި އޮޅިގެން ޖެހިފައި ވަނީ ޓައިވާނަށް ސަފީރަކު ކަނޑައެޅުމަށެވެ.

އެކަމާ ގުޅިގެން ރާއްޖެއިން ޗައިނާއަށް ކަނޑައަޅުއްވާފައި ހުންނަވާ ސަފީރު ވަން ލީޖިންގް ކުރެއްވި ޓުވީޓެއްގައި ވިދާޅުވީ، އެ މައްސަލައިގައި ޗައިނާ ސަރުކާރުގެ ކިބައިން މައާފަށް އެދި، ކަން ހިނގާދިޔަގޮތް ތަފުސީލުކޮށްދީފައި ވާކަމަށެވެ.

Advertisement

މިކަމާ ގުޅިގެން ދިވެހި ސަރުކާރުން މިހާތަނަށް ވަކި އެއްޗެއް ބުނެފައެއް ނުވެއެވެ.

ޓައިވާނަކީ ޗައިނާގެ ސަރުކާރާ ވަކިވެ، ވަކި ދައުލަތެއް ގަބޫލުކުރާ ސަރަހައްދެކެވެ. ޓައިވާނަކީ މިނިވަން ބައެއް ކަމަށް ގަބޫލުކުރާ ގައުމުތަކާއެކު ޗައިނާއިން ގުޅުން ގާއިމެއް ނުކުރެއެވެ.