މިއަހަރުގެ މިހާތަނަށް 539 އެކްސިޑެންޓެއް ހިނގައިފައި ވާކަމަށް ފުލުހުން ޢާންމު ކޮށްފައިވާ ތަފާސް ހިސާބުތަކުން ދައްކައިފިއެވެ.
މިއަހަރުގެ މިހާތަނަށް 539 އެކްސިޑެންޓެއް ހިނގައިފައިވާއިރު 77 މީހަކަަށް އަނިޔާވެފައި ވެއެވެ. އަދި އެފަދަ ހާދިސާތަކުގެ ސަބަބުން ގިނަ ބަޔަކު ޖޫރިމަނާ ކުރެވިފައި ވާކަމަށް ފުލުހުން ބުނެފައިވެއެވެ.
މިއަހަރުގެ މިހާތަނަށް 10،617 އުޅަނދެއްގައި ސްޓިކާ ޖަހައި ފައި ވާކަމަށާއި އޭގެ ތެރޭގައި 5093 ސައިކަލެއް އަދި 3978 ކާރެއް ހިމެނެއެވެ. އަދި 853 ޕިކަޕަކާއި 475 ވޭނަކާއި 107 ޖީޕެއްގައި އަދި 111 ޓްރަކެއްގައި ވަނީ ސްޓިކާ ޖަހާފައި ކަމަށް ފުލުހުން ހާމަކޮށްފައި ވެއެވެ.
މީގެ އިތުރުން މި ކުއާޓަރގެ ތެރޭގައި 614 އުޅަނދެއް ޓޯ ކޮށްފައިވާއިރު، އޭގެ ތެރޭގައި 543 ސައިކަލަކާއި 40 ކާރެއްގެ އިތުރުން 8 ޕިކަޕެއް، 7 ވޭނެއް، 13 ބައިސްކަލެއް އަދި 3 ބެޓެރި ސައިކަލެއް ހިމެނެއެވެ.
މިއަހަރަކީ ނުރައްކާތެރި އެކްސިޑެންޓް ތައް ގިނަ އަހަރެއްކަން ފާހަގަ ކޮށްލަން ޖެހެއެވެ. ޚާއްސަ ކޮށް ހުޅުމާލެ އާއި ހުޅުމާލެ ފޭސް 2ގައި ނުރައްކާތެރި އެކްސިޑެންޓު ތަކެއް ހިނގައި ބައެއްގެ ފުރާނަވެސް ގެއްލިފައި ވެއެެވެ.
Advertisement
This content is created and paid for by advertisers and does not involve Voice Journalists
