އެމްޑަބްލިޔުއެސްސީއިން އެންމެ ފާހަގަ ކޮށްލެވޭ މުވައްޒަފުންގެ އަގުވަޒަންކޮށް އެ ފަރާތްތަކަށް އެވޯޑް ދީފިއެވެ.
މި އެވޯޑް ދީފައި ވަނީ އެ ކުންފުނީގެ 28 ވަނަ އަހަރީ ދުވަސް ފާހަގަ ކުރުމަށް ބުރާސްފަތި ދުވަހުގެ ރޭ ބޭއްވި ރަސްމިއްޔާތުގައެވެ. އެމްޑަބްލިޔުއެސްސީން ކޮންމެ އަހަރަކުވެސް އެންމެ ފާހަގަ ކޮށްލެވޭ މުވައްޒަފުންގެ އަގު ވަޒަންކޮށް އެވޯޑު ދެއެވެ.
ހެންވޭރު ދަނޑުގައި ބޭއްވި މި ރަސްމިއްޔާތު ޝަރަފުވެރި ކޮށްދެއްވާފައި ވަނީ ނައިބު ރައީސް ފައިސަލް ނަސީމްއެވެ.
މި ރަސްމިއްޔާތުގައި އެ ކުންފުނިން ދޭ އެންމެ ހާއްސަ އެވޯޑު ކަމުގައިވާ "ޗެއާމަންސް އެވޯޑް ފޯ އެކްސެލެންސީ" އެވޯޑު ހާވާލު ކޮށްފައިވެއެވެ.
ރަސްމިއްޔާތުގައި ވާހަކަ ދައްކަވަމުން އެމްޑަބްލިޔުއެސްސީގެ މެނޭޖިންގް ޑިރެކްޓަރ ހަސަން ޝާހު ވިދާޅުވީ އެ ކުންފުނީގެ ހުރިހާ އޮޕަރޭޝަން ސެންޓަރުތަކުން ފޯރުކޮށްދޭ ފެނާއި ނަރުދަމާގެ ހިދުމަތް އިތުރަށް ތަރައްގީކޮށް، ހިދުމަތުގެ ފެންވަރު އެތައް ގުނައަކަށް ރަނގަޅު ކުރެވިފައިވާ ކަމަށެވެ.
އޭގެ އިތުރުން، މިހާރުވެސް 32 ރަށެއްގައި ފެނާއި ނަރުދަމާގެ މަސައްކަތް ކުރިއަށް ދާކަމަށް ޝާހު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
