މީހެއްގެ ގަޔަށް ވަޅިހެރި ކަމަށް ބުނެ، އިޒްރާއިލްގެ ޔަހޫދީއަކު ފަލަސްޠީނުގެ މީހެއް ޝަހީދުކޮށްލައިފިއެވެ.

ފަލަސްޠީނުގެ ހެލްތް މިނިސްޓްރީ އިން ބުނެފައިވަނީ 28 އަހަރުގެ އަލާ ޤައިސިއްޔާ ގެ ގަޔަށް ބަޑިޖަހައި ޝަހީދުކޮށްލައިފައި ވާކަމަށެވެ.

އަދި އަލާ ގެ ގަޔަށް ބަޑިޖަހައި އޭނާ ޝަހީދު ކޮށްލައިފައިވަނީ ފަލަސްޠީނުގެ ބިމަށް ގަދަކަމުން ވެރިވެގެން އުޅޭ އިޒްރާއިލްގެ މީހުންގެ ތެރެއިން ހައްދުފަހަނަ އެޅި މީހެއް ކަމަށް އަލްޖަޒީރާގައި ބުނެފައިވެއެވެ.

Advertisement

އިޒްރާއިލް ސިފައިން ބުނެފައިވަނީ އަލާ ގެ ގަޔަށް ބަޑި ޖަހައިފައިވަނީ ޔަހޫދީންގެ ދީނީ ހަފްލާއަކަށް ތައްޔާރު ވަމުން ދަނިކޮށް އެތަނުގައި ޔަހޫދީންގެ މީހެއްގެ ގަޔަށް ވަޅިޖަހުމުން ކަމަށެވެ.

ސީސީޓިވީ  ކެމެރާތަކަށް އަރައިފައިވާ މަންޒަރު ތަކުން ދައްކާގޮތުން އަލާ ވަޅިއެއް ހިފައިގެން އެ ހަރަކާތައް އެއްވެފައި ތިބި މީހުން ތަކުގެ ތެރޭގައި ހުންނަތަން ފެނެއެވެ. ނަމަވެސް ވަޅިން ހަމަލާ ދޭ މަންޒަރު އެ ފުޓޭޖް ތަކަށް އަރައިފައެއް ނުވެއެވެ.

މީގެ އިތުރުން އިޒްރާއިލްގެ ޔަހޫދީން ވަނީ ހުކުރުދުވަހު ފަލަސްޠީނުގެ ދަނޑުވެރިންނަށް އުނދަގޫތަކެއް ކޮށްފައެވެ. އެގޮތުން ރާމައްالله ކައިރީގައި އޮންނަ އަލް މުޤައްޔިރް ކިޔާ އަވަށުގައި ދަނޑުވެރިން އެމީހުންގެ ދަނޑުތަކުގައި މަސައްކަތް ކޮށް އުޅެނިކޮށް ބަޑީގެ ހަމަލާތައް ދީ އޮއްގައު އުކައި އުނދަގޫ ކޮށް ހަދައިފައިވެއެވެ. މީގެ އިތުރުންވެސް އެހެން ދެ ހިސާބެއްގައިވެސް ފަލަސްޠީނުގެ ދަނޑުވެރިންނަށް އުނދަގޫ ކޮށްހަދައި ފައި ވާކަމަށް އަލްޖަޒީރާގައި ބުނެފައިވެއެވެ.

ޖެނުއަރީ މަހުން ފެށިގެން މިއަަހަރުގެ މިހާތަނަށް ފަލަސްޠީނުގެ 140 މީހުން ޝަހީދު ކޮށްލައިފައިވެއެވެ.