މި ސަރުކާރުންވި މައިގަނޑު ވައުދުތައް ފުއްދިއްޖެ ކަމަށް ރައީސުލް ޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެއެވެ.
ރައީސް މިހެން ވިދާޅުވީ، ފ. އަތޮޅަށް ކުރައްވަމުން ގެންދަވާ ދަތުރުފުޅުގައި، ފ، ދަރަނބޫދޫގެ ރައްޔިތުންނާ ދެއްކެވި ވާހަކަފުޅުގައެވެ.
މި ބައްދަލުވުމުގައި ރައީސް ޞާލިހު ވިދާޅުވީ، ދަރަނބޫދުއަށް ބޭނުންވާ ތަރައްގީގެ މަޝްރޫއުތަކަށް ބަޖެޓް ހޯދައިދެއްވާނެ ކަަމަށާއި އަދި އެރަށުގެ ޒުވާނުންގެ ބޭނުންތައް ފުއްދައިދެއްވާނެ ކަމަށެވެ.
އެރަށުގެ އާއްމުން ރައީސްއަށް ދެންނެވި ކަންތައްތަކުގެ ތެރޭގައި، އެރަށުގައި ކުޅިވަރު ކުޅޭނެ ދަނޑެއް ނެތުމާއި، މުބާރާތްތައް ނުބޭއްވުމާއި އަދި ވަޒީފާއާ ގުޅޭ މައްސަލަތައް ހިމެނެއެވެ.
ދަރަނބޫދޫގެ އާންމު ރައްޔިތުންނާއެކު ބޭއްވުނު މި ބައްދަލުމުގައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި ވިދާޅުވީ، މި ސަރުކާރުން ވެފައިވާ މައިގަނޑު ވަޢުދުތައް ފުއްދިފައިވާކަމަށާއި، އަދި އިތުރަށް ބޭނުންވެފައިވާ ކަންކަން ބަޖެޓުން ޖާގަ ހޯދައިގެން ކުރިޔަށް ގެންދެވޭނެ ގޮތުގެ މަޢުލޫމާތު ރައްޔިތުންނާއި ޙިއްޞާކުރައްވާނެ ކަމުގައެވެ.
ރައީސް ފ. އަތޮޅަށް މި ކުރައްވާ ދަތުރުފުޅުގައި ވަޑައިގަތުމަށް ހަމަޖެހިފައި ވަނީ ފ. ނިލަންދޫ، ދަރަނބޫދޫ، މަގޫދޫ، ބިލެއްދޫ، އަދި ފީއައްޔަށެވެ.
މި ދަތުރުފުޅުގައި އެ ރަށްރަށުގަ ސަރުކާރުން ކުރިއަށް ގެންދިޔަ ބައެއް މަޝްރޫއުތައް ނިންމާ، ހިދުމަތްތައް އިފްތިތާހު ކުރުން ކުރިއަށް ގެންގޮސްދެއްވާނެއެވެ.
އަދި ކޮންމެ ރަށެއްގެ ރައްޔިތުންނާނއި، ކައުންސިލާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީއާ ރައީސް ބައްދަލު ކުރައްވާނެއެވެ.
Advertisement
This content is created and paid for by advertisers and does not involve Voice Journalists
