ކުރީ ސަރުކާރުތަކުން ނޫސްވެރިންނަށް މިނިވަންކަން ނުދޭ މިންވަރަށް މި ސަރުކާރުން ދީފައިވާ ކަމަށާ، މިހާރު ނޫސްވެރިންނަށް އެދޭ މައުލޫމާތުތަކާއި، މިނިވަންކަންވެސް ލިބިފައިވާ ކަމަށް މަތިވެރި ދާއިރާގެ މެމްބަރު ހަސަން ޒަރީރު ވިދާޅުވެއްޖެއެވެ.
މިއަދު މަޖިލީހުގައި، ޗެނަލް-13 އާއި ގުޅިގެން ހުށަހެޅުނު ކުއްލި މައްސަލައާއި ގުޅިގެން ވާހަކަދައްކަވަމުން ޒަރީރު ވިދާޅުވީ ރައްޔިތުންގެ މަޖިލީހަށް މުހިންމު ބިލުތައް ހުށަހެޅެމުންދާއިރުވެސް، އިދިކޮޅު ފަރާތްތަކުން ދައްކަވަމުންދަނީ، ކަމާއި ނުގުޅޭ، ހަގީގަތާއި ޚިލާފް ވާހަކަ ކަމަށެވެ. އަދި އިދިކޮޅު ފަރާތްތަކުން މީޑިއާގެ މިނިވަންކަމުގެ ވާހަކަ ދައްކަވާއިރު، ކުރީގެ ރައީސް ޔާމީންގެ ވެރިކަމުގައި އެކަންކަން އޮތްގޮތް އިދިކޮޅަށް ވަރަށް ސާފު ވާނެ ކަމަށްވެސް އޭނާ ވިދާޅުވި އެވެ.
ޒަރީރު އިތުރަށް ވިދާޅުވީ، އެމްޑީޕީގެ އެންމެ މުހިންމު އެއް އަސާސަކީ އެންމެހައި ރައްޔިތުންނަށްވެސް މިނިވަންކަމާއި އެކު ބަސްބުނުމުގެ މިނިވަންކަން ހޯދައި ދިނުމް ކަމަށާ، ނިމިދިޔަ އެއްވެސް ސަރުކާރަކުން ނޫސްވެރިންނަށް ނުދޭހާ މިނިވަންކަން "ތަންމިނަށް ހުޅުވާލައިގެން" މި ސަރުކާރުން ދެމުން އަންނަ ކަމަށެވެ.
"މިއަދު ސަރުކާރުން ކުރަމުންދާ މަސައްކަތްތައް އަދި ކޮށްދެމުންދާ މަސައްކަތްތައް އަދި މައުލޫމާތު ހޯދައި ލިބިގަތުމުގެ ގާނޫނަށް ގެނެވުނު އިސްލާހުތަކުގެ ނަތީޖާއަކީ މިއަދު ކޮންމެ މީހަކަށްވެސް، ކޮންމެ މީޑިއާއަކަށްވެސް ކޮންމެ ސަރުކާރު އޮފީހަމަށް ވަދެ އަތްދިއްކޮށްލާފަ، ގަލަމުން ލިޔެލާފައި މިވެނި މައުލޫމާތެއް ދޭށޭ ބުނުމުގެ މިނިވަންކަން އެބައޮތް. އެމިނިވަންކަން އެދަނީ ދެމުން. މިއީ ނިމިދިޔަ އެއްވެސް ސަރުކާރަކުން ކުރި ކަމެއްތޯ؟ ނިމިދިޔަ އެއްވެސް ސަރުކާރެއްގައި އެ މައުލޫމާތުތައް ލިބުނުތޯ؟ ކޮން މައުލޫމާތެއްތޯ މިއަދު ނުލިބެނީ؟ ކޮން މިނިވަންކަމެއްތޯ ނުލިބެނީ؟" ޒަރީރު ވިދާޅުވިއެވެ.
ޒަރީރު ވިދާޅުވީ މިސަރުކާރުން ނޫސްވެރިން ޖަލަށްލައި އަނިޔާ ކުރަމުން ނުދާ ކަމަށެވެ. އަދި ހާހުން، ދެހާނުން، ފަސް މިލިއަނުން ނޫސް މަޖައްލާތައް ޖޫރިމަނާ ކުރަމުން ނުދާ ކަމަށެވެ. އަދި އެފަދަ ކަންކަން ނުކުރާއިރު އިދިކޮޅުން ނޫސްވެރިންގެ މިނިވަންކަން ނެތޭ ބުނުމުން ލަދު ގަންނަ ކަމަށާ، އެއީ ޖޯކެއް ކަމަށް އޭނާ ވިދާޅުވި އެވެ.
ޒަރީރު އިތުރަށް ވިދާޅުވީ އިދިކޮޅުން މީޑިއާތަކުގެ ވާހަކަ އަޑަށް ބާރުލާފައި ދައްކަވާއިރު، ރައީސް ޔާމީން އަކީ މީޑިއާތަކަށް ފިއްލަވައިން އުޅުއްވި ބޭފުޅެއް ކަމަށެވެ.
"ކިތައް ފަހަރުތޯ އެބޭފުޅާ (ރައީސް ޔާމީން) މީޑިއާ ތަކާއި ބައްދަލުކުރެއްވީ؟ މިއީ މިބޭފުޅުން މިދައްކާ މީޑިއާތަކުގެ ވާހަކަ ހަގީގަތް ހިންގާ ގޮސް ނަޒަރުހިންގާލީމާ ޖެހޭ ހިސާބަކީ މިއީ. އަޅުގަނޑުމެން ނުދެކެން މަދު ފަހަރެއްގައި ނޫނީ. މާވަހަރެއް މީހަކު ހޮވޭ އުސޫލުން، މީޑިއާތަކަށް އެމަނިކުފާނު ބައްދަލުކޮށްލަފާނެ. އެހެންނޫނީ އެބޭފުޅާ އުޅުއްވަނީ ފިލައިގެން. މިއަދު މިވަނީ އެހެންތޯ؟"
ހަސަން ޒަރީރު
ޒަރީރު ވިދާޅުވީ ނޫސްވެރިންނަށް އަނިޔާކޮށް ނޫސްވެރިންނަށް އިހާނަތްތެރިކޮށް ހިތި ޕާޓީގެ މެންބަރުން މިއަދު މަޖިލީހުގައި ތިބެ ނޫސްވެރިކަމުގެ މިނިވަންކަމުގެ ވާހަކަ ދެއްކިޔަސް އެވާހަކަ ގަބޫލުކުރާނެ ބަޔަކު ނޫޅޭނެ ކަމަށެވެ.
Advertisement
This content is created and paid for by advertisers and does not involve Voice Journalists
