މިއީ އުމުރުން 21 އަހަރުގެ ރަޒާން އަލް ނައްޖާރް އެވެ.
ރަޒާން އަކީ ފަލަސްޠީނުގެ ޣައްޒާ ބޯޑަރު ކައިރީގައި ފަލަސްޠީނުގެ ރައްޔިތުން މީގެ 5 އަހަރު ކުރިން ކުރަމުންދިޔަ މުޒާހަރާ ގެ ތެރޭގައި އަނިޔާވި ފަލަސްޠީނުގެ ރައްޔިތުންނަށް ފަރުވާ ދެމުން ދިޔަ ޕެރަމެޑިކް އެކެވެ.
އިޒްރާއިލްގެ ސިފައިން ދެމުން ދިޔަ ހަމަލާތަކުން ޒަހަމް ވަމުންދިޔަ ފަލަސްޠީނުގެ ރައްޔިތުންނަށް ފަރުވާ ދިނުމުގެ މަސައްކަތަށް އޭނާ ނުކުތީ ވޮލެންޓިއަރެއްގެ ގޮތުގައެވެ.
ރަޒާން ޝަހީދުވީ އެދުވަހު އެމަަަސައްކަތުގައި އުޅެނިކޮށް އިޒްރާއިލް ސިފައިންގެ ސްނައިޕަރެއް ދިން ހަމަލާއެއްގައި ޒަހަމްވެ އެޒަހަމް ތަކަށް ފަރުވާ ހޯދަމުން ދަނިކޮށެވެ.
ރަޒާން ޒަހަމްވި މީހުންނަށް ފަރުވާދިނުމުގެ މަސައްކަތުގައި
"އަހަރެން ދުނިޔެއަށް ގޮވާލަން އިޒްރާއިލްގެ ޢަމަލުތަކަށް ބަލާލަން، ކީއްވެގެންތޯ އެމީހުން އެކަން އެކުރަނީ، އަހަރެމެންނަށް އެމީހުންގެ ހަމަލާތައް އަމާޒުވަނީ ކީއްވެގެންތޯ، އެމީހުންނާއި ޚިލާފަށް އެއްވެސް ކަމެއް އަހަރެމެން ނުކުރަން، އަހަރެމެން މިކުރާ ކަމަކީ ހަމަލާތަކުގައި ޒަހަމްވާ މީހުން ސަލާމަތްކުރުން، އެމީހުންގެ ޒަހަމްތަކުގައި ބޭސްއަޅައި ދިނުން" ރަޒާން ބުނެފައިވެއެވެ.
މިއީ އެހަމަލާތައް އޭނާ އަށް އަމާޒުވުމުގެ ކުރިން އެދުވަހު އޭނާ ދީފައިވާ އިންޓަރވިއު އެކެވެ. އޭނާއަށް ދިން ހަމަލާ އަމާޒުވެފައި ވަނީ އޭނާގެ މެޔަށެވެ.
އަދިވެސް ފަލަސްޠީނުގެ ރައްޔިތުން އޭނާ ހަނދާން ކުރެއެވެ. ރަޒާންގެ މަރަށް އިއްޔެ 5 އަހަރު ވީއެވެ. ރަޒާންއަށް ޓަކައި ފަލަސްޠީނުގެ ހިތްތަކުގައި ވަނީ ހެޔޮ ދުޢާއެވެ.
Advertisement
This content is created and paid for by advertisers and does not involve Voice Journalists
