އިޒްރާއިލް ސިފައިން ދިން ބަޑީގެ ހަމަލާއެއްގައި ޒަޙަމްވި އުމުރުން 2 އަހަރުގެ މުހައްމަދު ނިޔާވެއްޖެއެވެ.

އުމުރުން 2 އަހަރުގެ މުޙައްމަދް ތަމީމީ އަށް އިޒްރާއިލް ސިފައިން  ހަމަލާދިފައިވަނީ ރާމައްاللهގެ އިރުއުތުރުން އޮންނަ ނަބީ ސަލާހް ކިޔާ އަވަށުގައި، އޭނާގެ ބައްޕަ އާއި އެކު ކާރުގައި ދަތުރު ކޮށްފައި ދަނިކޮށެވެ. އިޒްރާއިލް ސިފައިންގެ މި ޙަމަލާ ތަކުގައި މުޙައްމަދުގެ ބައްޕަ އަށް ވެސް ވަނީ އެކިވަރުގެ އަނިޔާ ލިބިފައެެވެ.

ހަމަލާގައި ލިބުނު ޒަހަމްތަކަށް މުޙައްމަދު  ފަރުވާ ހޯދަމުން ދިޔައޫ އިޒްރާއިލުން ހިންގާ ހޮސްޕިޓަލެއްގައެވެ. ޒަހަމްތަކަށް ފަރުވާ ދެމުން ދިޔަ ނަމަވެސް އޭނާގެ ހާލަތު ނާޒުކުކަމަށް އޭރުވެސް ވަނީ ބުނެފައެވެ.

Advertisement

އަލްޖަޒީރާގައި ބުނެފައިވަނީ  އިޒްރާއިލްގެ މި ހަމަލާއަކީ އެމީހުން ރާވައިގެން ކުއްލިއަކަށް ހަމަލާދޭ އުސޫލުގެ ދަށުން އިޒްރާއިލް ސިފައިން ދިން ހަމަލާއެއް ކަމަށެވެ.ފަލަސްޠީނުގެ ވަފާ ނޫހަށް ހަވާލަދެމުން އަލްޖަޒީރާގައި ބުނެފައިވަނީ އިޒްރާއިލް ސިފައިން ހަމަލާތަކުގެ ކުރިން ނަބީ ސަލާހް އަވަށަށް ވަދެ ނުކުމެވޭ ދޮރު ބަންދުކުރި ކަމަށެވެ.

އަދި އެސަރަހައްދުން ދުއްވަމުން ދިޔަ ކާރަށް ބަޑީގެ ހަމަލޭ ދޭން ފެށި ކަމަށެވެ. އަދި އެކާރުން ދަތުރު ކުރަމުން ދިޔަ ކުޑަ ކުއްޖަކު ވަރަށް ބޮޑަށް ޒަޚަމްވީ ކަމަށް ވަފާ އަށް މަޢުލޫމާތު ދިން މީހަކު ބުނެފައިވާކަމަށް އަލްޖަޒީރާގައި ބުނެފައިވެއެވެ.

2023 ފެށުނު ފަހުން އިޒްރާއިލްގެ އަނިޔާވެރި ހަމަލާތަކުގެ ސަބަބުން ފަލަސްޠީނުގެ 158 މީހަކު ވަނީ ޝަހީދުވެފައެވެ. އޭގެ ތެރޭގައި 26 ކުޑަކުދިން ވެސް ހިމެނެއެވެ.