ސްޓެލްކޯއާ ހަމައިން ފެށިގެން ރަށްދެބައި ހިނގުމާ ހަމައަށް އަމީނީމަގު ހުޅުވާލައިފިއެވެ.

ރޯޑް ޑިވިލޮޕްމެންޓް ކޯޕަރޭޝަން (އާރްޑީސީ)އިން ބުނީ، އަމީނީމަގުގެ ސެގްމެންޓް 4،5،6 އަދި 7 ނިންމައި، މިހާރު ހުޅުވާލާފައިވާ ކަމަށެވެ.

އާރްޑީސީން ވަނީ އަމީނީމަގުގެ އެންމެ ފަހުން ތާރުއަޅާ ނިންމި ސެގްމެންޓުތަކުގައި ގަސް އިންދުމުގެ ހަރަކާތެއް ކުރިއަށް ގެންގޮސްފައެވެ.

Advertisement

އަމީނީ މަގުގައި ގަސް އިންދަނީ -- ފޮޓޯ/ އާރްޑީސީ

އަމީނީ މަގު ޒަމާނީ ފެންވަރަކަށް ހެދުމަށް ޕްލޭނިން މިނިސްޓްރީއިން އާރުޑީސީއާއި ހަވާލުކޮށްފައި ވަނީ 84 މިލިއަން ރުފިޔާއަށެވެ. އެއާއެކު އާރުޑީސީއިން އަމީނީ މަގު ހެދުމުގެ މަސައްކަތް 210 ދުވަހުގެ ތެރޭގައި ފުރިހަމަ ކުރަން ޖެހޭނެއެވެ. 

ޒަމާނީ ފެންވަރަށް އަމީނީ މަގު ހަދާ ނިމޭއިރު، އެ މަގަކީ މާލޭގެ ބޮޑެތި މަގުތަކުގެ ތެރެއިން ވަރަށް ހިތްގައިމު މަގަކަށް ވެގެންދާނެކަމަށް އާރުޑީސީއިން ވަނީ ބުނެފައެވެ. އަދި މަގު ހަލާކުވުމުގެ ސަބަބުން މަގު ބޭނުން ކުރާ ފަަރާތްތަކަށް އުފުލަން ޖެހުނު ތަކުލީފު އެހިސާބުން އެއްކޮށް ފިލައިގެން ދާނެކަމަށްވެސް އާރުޑީސީއިން ވަނީ ބުނެފައެވެ.