މަދަނީ ޖަމިއްޔާތަށް ހާއްސަކޮށްގެން ބޭއްވި "ސިވިލް ސޮސައިޓީ އެވޯޑް" 10 ޖަމިއްޔާއަކަސް ދީފިއެވެ.
އެކަމަށްޓަކައި ރޭ ބޭއްވި ރަސްމިއްޔާތުގައި، އެވޯޑަށް ކުރިމަތިލި ހަ ޖަމިއްޔާއަކާއި ސްޕެޝަލް ރެކޮގްނިޝަންގެ ގޮތުގައި ހަތަރު ޖަމިއްޔާއަކަށް އެވޯޑު ދީފައިވެއެވެ.
ސިވިލް ސޮސައިޓީ އެވޯޑު ދިނުމުގެ ރަސްމިއްޔާތުގެ ތެރެއިން -- ފޮޓޯ/ ރައީސް އޮފީސް
އެގޮތުުން އެވޯޑަށް ކުރިމަތި ލައިގެން ހޮވުނު ހަ ޖަމިއްޔާ އަކީ އަންހެނުންގެ ކުރިއެރުމާ ތަރައްގީއިން ސަދަން ކޮމިއުނިޓީ އެމްޕަވާމެންޓު އޮފް މޯލްޑިވްސް (ސްކީމް)، ސިއްހީ ދާއިރާއިން އޭޖްޑް ކެއާ މޯލްޑިވްސް، ހާއްސަ އެހީގެ ދާއިރާއިން ކެއާ ސޮސައިޓީ، ތައުލީމީ ދާއިރާއިން އިމަގު، ދިވެހިންގެ ސަގާފަތާއި ތަރިކަ ދިރުވުމުގެ ދާއިރާއިން ދިވެހި ރާއްޖޭގެ ޅެންވެރިންގެ ޖަމިއްޔާ، ތިމާވެށި ހިމާޔަތްކުރުމުގެ ދާއިރާއިން ނައިފަރު ޖުވެނައިލްއެވެ.
ސްޕެޝަލް ރެކޮގްނިޝަން އެވޯޑު ލިބުނު ޖަމިއްޔާ ތަކަކީ ޖަމިއްޔަތުއް ތައާވޫން، ޑޭލައިޓް ކްލަބު، ސްކައުޓް ޖަމިއްޔާ އަދި މޯލްޑިވްސް ގާލް ގައިޑް އެސޯސިއޭޝަންއެވެ.
އެވޯޑު ލިބުނު ގިނަ ޖަމިއްޔާތަކަކީ ހިލޭސާބަކަށް ރައްޔިތުންނަށް ގިނަ ކަންތައްތަކެއް ކޮށްދީފައިވާ ޖަމިއްޔާތަކެކެވެ.
Advertisement
This content is created and paid for by advertisers and does not involve Voice Journalists
