ފުޅާ ދާއިރާއެއްގައި ހަށިވިއްކުމުގެ ވިޔަފާރި ކުރަމުންދިޔަ ބިދޭސީއަކު ހައްޔަރުކޮށްފިއެވެ.

ހަށިވިއްކުމުގެ ވިޔަފާރި ފުޅާ ދާއިރާއެއްގައި ކުރަމުންދަނިކޮށް ހައްޔަރުކޮށްފައިވަނީ ބަންގްލަދޭޝްގެ ރައްޔިތެއް ކަމަށްވާ 33 އަހަރުގެ އެމްޑީ ފައިޖުލް އިސްމާއިލެވެ.

އޭނާ ބަންދުކުރުމަށް ކޯޓު އަމުރު ނެރުނުއިރު އެއަމުރުގައި ވަނީ ފުލުހުން ހުށަހެޅި އިންޓެލިޖެންސް ރިޕޯޓްތަކާ ތަހުޤީޤީ ރިޕޯޓްތަކުން އޭނާ އަކީ ރާއްޖެއިން ބޭރުން މީހުން ގެނެސްގެން ފުޅާ ދާއިރާއެއްގައި ހަށިވިއްކުމުގެ ވިޔަފާރިކުރާ މީހެއް ކަމަށް ބެލެވޭކަމަށެވެ.

Advertisement

އަދި މައްސަލާގައި ބަޔާން ނެގުނު މީހުންގެ ބަޔާންތަކުން އޭނާ އަކީ މިކަމުގެ އިސް ފަރާތްކަމަށް ބުނެފައިވާކަމަށާ ތުހުމަތުކުރެވޭ ފަރާތްތަކުގެ ފޯނުން އޭނާ އާ މުއާމަލާތް ކޮށްފައި ވާކަން އެނގޭކަމަށް މި އަމުރުގައި ވަނީ ބުނެފައެވެ.

މީގެ އިތުރުން ކޯޓު އަމުރުގައި ވަނީ އެމްޑީ ފައިޖުލް އިސްމާއިލް އަކީ އެ ބާވަތުގެ ކުށުގެ ރެކޯޑް އޮތް މީހެއް ކަމަށެވެ.

އެމްޑީ ފައިޖުލް އިސްމާއިލްގެ ބަންދަށް ކްރިމިނަލް ކޯޓުން 15 ދުވަސް ޖަހާފައިވާއިރު އޭނާ އަކީ ރާއްޖޭގައި ގަވާއިދާ އެއްގޮތަށް އުޅޭ މީހެއްތޯ ބެލުމަށް ފުލުހުންގެ މައްޗަށް އަމުރުކޮށްފައިވެއެވެ.

ރާއްޖޭގައި އުޅޭ ބިދޭސީން ރާއްޖޭގައި މިފަދަ ބޮޑެތި ކުށްތައް ހިންގުން މިހާރު ވަނީ ޢާންމިމުވެފައެވެ.