ރައްޔިތުންގެ މަޖިލީހުގެ ނައިބު ރައީސް އީވާ އަބްދުاللهގެ އިތުބާރު ނެތް ކަމުގެ މައްސަލައިގެ ރިޔާސަތު ބަލަހައްޓަވަން މަޖިލީހުގެ ރައީސް މުހައްމަދު ނަޝީދު ވަޑައިނުގެންނެވުމުން މައްސަލަ ކުރިއަށް ނުގެންދެވި ޖަލްސާ މެދުކަނޑާލައިފިއެވެ. 

މަޖިލިހުގެ މިއަދުގެ ޖަލްސާގެ އެޖެންޑާގައި އޮތް ހަމައެކަނި މައްސަލައަކީ އީވާގެ އިތުބާރު ނެތް ކަމުގެ މައްސަލައާ މެދުގައި ގޮތެއް ނިންމުމެވެ. 

އެހެންކަމުން، ޖަލްސާ ފައްޓަވަމުން މަޖިލީހުގެ ގަވާއިދާއި ހަވާލާދެއްވައި އަމީން އާންމު ވިދާޅުވީ، ނާއިބު ރައީސްގެ އިތުބާރު ނެތް ކަމުގެ މައްސަލަ ކުރިއަށް ގެންދާއިރު، ރިޔާސަތުގައި އިންނަވަން ޖެހޭނީ މަޖިލީހުގެ ރައީސްކަން ގަވާއިދުގައި ސާފުކޮށް ބަޔާންކޮށްފައިވާ ކަމަށެވެ. 

އެހެންކަމުން، މިއަދުގެ ޖަލްސާގެ ރިޔާސަތު ބަލަހައްޓަވައި ދެއްވުމަށް މަޖިލީހުގެ ރައީސަށް މަޖިލީހުގެ އިދާރާއިން އިއްޔެ ސިޓީއެއް ފޮނުއްްވާފައިވާ ކަމަށާ، އޭގެ ޖަވާބުވެސް އިއްޔެ ލިބިލައްވާފައިވާ ކަމަށެވެ. އަދި ޖަވާބުގައި ރައީސް ނަޝީދު ވަނީ، އެމަނިކުފާނުގެ މައްޗަށް ހުށަހަޅާފައިވާ އިތުބާރު ނެތް ކަމުގެ މައްސަލަ އާއި މެދު ގޮތެއް ނިންމަވަންވެސް އީވާގެ އިތުބާރު ނެތްކަމުގެ ޖަލްސާގެ ރިޔާސަތު ބަލަހައްޓަވަން އުޒުރުވެރިވާ ކަމަށް ވިފާޅުވެފައި ކަމަށްވެސް އަމީން އާންމު ވިދާޅުވި އެވެ. 

އެހެންކަމުން، އެ ރިޔާސަތު ކަނޑައެޅުމާމެދު ގޮތެއް ނުނިންމެނީސް މިއަދުގެ ޖަލްސާ ކުރިއަށް ނުގެންދެވޭނެކަން އަންގައި ޖަލްސާ ވަނީ މިވަގުތަށް ނިންމާލާފައެވެ.