މަޖިލީހުގެ ރައީސަށް ވަކިޒިންމާއެއް މަތިކުރުމުން އަމިއްލައަށް އެކަމަށް އިޢުތިރާޒެއް ނުކުރެވޭނެ ކަމަށް ރައްޔިތުންގެ މަޖިލީހުގެ އިހަވަންދޫ ދާއިރާގެ މެމްބަރު މުޙައްމަދު ޝިފާޢު ވިދާޅުވެއްޖެއެވެ.

ޝިފާޢު މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.

"ރައްޔިތުންގެ މަޖިލީހުގެ ގަވާއިދުން މަޖިލީހުގެ ރައީސަށް ވަކިޒިންމާއެއް މަތިކުރުމުން އަމިއްލައަށް އެކަމަށް އިޢުތިރާޒެއް ނުކުރެވޭނެ" ޝިފާޢު ވިދާޅުވިއެވެ.

Advertisement

ޝިފާޢު ވިދާޅުވީ އެއީ ރައްޔިތުންގެ މަޖިލީހުގެ ޤަވާއިދާއި ޚިލާފުވުން ކަމަށާއި އަދި އެއީ ރައްޔިތުންގެ މަޖިލީހުގެ އިމްތިޔާޒަށް އަރައިގަތުން ކަމަށެވެ.

ރައްޔިތުންގެ މަޖިލީހުގެ ރައީސް ކަމުގައި ހުންނެވި ކުރީގެ ރައީސް ނަޝީދު ވަނީ ރައްޔިތުންގެ މަޖިލީހުގެ 54 މެމްބަރުން އެމަނިކުފާނުގެ އިތުބާރު ނެތް ކަމުގެ މައްސަލަ ހުށައަޅުއްވާފައިވާތީ މަޖިލީހުގެ ރިޔާަސަތު ބެލެހެއްޓެވުމަށް އުޒުރުވެރިވެލައްވާ ކަމަށް ވިދާޅުވެ  މަޖިލީހުގެ އަމީން ޢާންމަށް ސިޓީ އެއް ފޮނުއްވާފައެވެ.

މިއަދުގެ މަޖިލީހަށް މަޖިލީހުގެ ނައިބު ރައީސް އީވާ ޢަބްދުالله ގެ އިތުބާރު ނެތް ކަމުގެ މައްސަލަ ކުރިއަށް ގެންދިޔުމަށް އޮތީ އެޖެންޑާ ކޮށްފައެވެ. 

ނަމަވެސް ރައީސް ނަޝީދު މަޖިލީހުގެރިޔާސަތު ބަލަހައްޓަވަން  ވަޑައި ނުގަތުމުން މިއަދުގެ މަޖިލިސް ވަނީ މެދުކަނޑާލައިފައެވެ.