ހުޅުމާލޭގައި ބަހަކާއި ސައިކަލެއް ޖެހި ނުރައްކާތެރި އެކްސިޑެންޓެއް ހިނގައިފިއެވެ. 

ފުލުހުންގެ މީޑިއާ އޮފިޝަލް "ވޮއިސް" އަށް ވިދާޅުވީ، ހުޅުމާލޭ ދެވަނަ ފިޔަވަހީގެ ގުލްޒާރުމާހިނގުމާއި، ދުނބުރިގަސް މަގު ގުޅޭ ކަންމަތީގައި ބަހަކާއި ސައިކަލެއް ޖެހި އެކްސިޑެންޓެއް ހިނގާފައިވާ ކަމުގެ މައުލޫމާތު މިއަދު ހެނދުނު 8:51 ކަންހާއިރު އެ އިދާރާއަށް ލިބިފައިވާ ކަމަށެވެ. 

ބަހަކާއި ސައިކަލެއް ޖެހި ހިނގި އެކްސިޑެންޓް.-- ފޮޓޯ: އެކްސިޑެންޓް އެމްވީ

އޮފިޝަލް ވިދާޅުވީ މިއެކްސިޑެންޓްގައި އަނިޔާވެފައިވަނީ 19 އަހަރުގެ ދިވެހި ފިރިހެނަކަށް ކަމަށެވެ. އަދި އެމީހާއަށް މިހާރު ހުޅުމާލޭ ހޮސްޕިޓަލުގައި ފަރުވާ ދެމުން އަންނަ ކަމަށެވެ. 

މިއެކްސިޑެންޓާއި ގުޅިގެން ބަލަންޖެހޭ ކަންކަން ބަލަމުން އަންނަ ކަމަށްވެސް މީޑިއާ އޮފިޝަލް ވިދާޅުވި އެވެ.