ކަސްޓަރޑް އަކީ މާ ބޮޑު ޚަރަދެއް ކޮށްލުމެއްނެތި، ފަސޭހަ ކަމާއި އެކުގައި ތައްޔާރު ކޮށްލެވޭ މީރު ފޮނި ބާވަތެކެވެ. ހުކުރު ދުވަހު ގޭގޭގެ ސުފުރާމަތި ފަޅު ފިލުވާލުމަށް ވަރަށް ގިނައިން ތައްޔާރުކޮށްވެސް އުޅޭ އެއްޗެކެވެ. 

4 1/2 މޭޒުމަތީ ސަމުސާ ކަސްޓަރޑް

1 ދަޅު ގެރި ގިރު

1 ޕެކެޓެ ފުލް ކްރީމް މިލްކް

3 އިންޗީގެ 2 ރާނބާފަތް ކޮޅު

1 ޖޯޑު ކަނަމަދު (ދިގަށް ވާގޮތަށް ކޮށާފައި) ނުވަތަ ކުޑަ ފުރުޓް ކޮކްޓެއިލް ދަޅެއް

4 ޖޯޑު ފެން

ވެނީލާ އެސެންސް 

1) ތެލީގެ ތެރޭގައި ކަސްޓަރޑް އާއި ފެން ރަނގަޅަށް ގިރާލުމަށްފަހު ރާނބާފަތްކޮޅު އަޅާލާފައި ކައްކަން އުދާށެވެ. ކައްކާނީ މެދު ގިނީގައެވެ. 

2) ކަސްޓަރޑް ކެކި އޮލަވާން ފެށުމުން ގެރި ކިރާއި، ފުލްކްރީމް މިލްކް އަޅާލާށެވެ. އަނެއްކާވެސް އޮލަ ވަންދެން ކައްކާލާށެވެ. 

3) އޮލަވުމުން ރާނބާފަތްކޮޅު ނަގާލާށެވެ. ދެން ކަނަމަދު ކޮޅުގެ ބޮޑުބައި އަޅާލުމަށްފަހު ވެނީލާ އެސެންސް އަޅާފައި ރަނގަޅަށް އެކުލަވާލާށެވެ. ރަހަ ބަލާލުމަށްފަހު ފޮނި މަޑު ނަމަ، ހަކުރު ކޮޅެއް އަޅާލުމަށްފަހު އަނެއްކާވެސް އެކުލަވާލާށެވެ. 

4) އެއަށްފަހު އުނދުން ނިއްްވާލާފައި ޓްރޭއަށް ކަސްޓަރޑް އަޅާލުމަށްފަހު ބާކީ ހުރި ކަނަމަދު ކޮޅު މައްޗަށް ބުރުވާލާށެވެ. 

5) ދެން ކަސްޓަރޑް ހިހުވޭ ސެޓްލް ވުމުން ފިނިކޮށްލައިގެން ކާލަންވީއެވެ.