ޕާޓީ ރަޖިސްޓްރީ ނުލިބެނީސް އިލެކްޝަންސް ކޮމިޝަން (އީސީ)އިން ނުނިކުންނާނެ ކަމަށް "ދަ ޑިމޮކްރެޓްސް" އިން ބުނެފިއެވެ.
އެ ޕާޓީ އުފެއްދުމަށްޓަކައި މި މަހުގެ ފުރަތަމަ ދުވަހު ވަނީ 3000 މެމްބަރުންގެ ފޯމު ހަމަކޮށް އީސީއަށް ހުށަހަޅާފައެވެ. ނަމަވެސް ނަމަވެސް އަދިވެސް އެ ޕާޓީ ރަޖިސްޓްރީ ކޮށްދީފައި ނުވާތީ، ޕާޓީގެ މެމްބަރުން ވަނީ އިލެކްޝަންސް ކޮމިޝަނަށް އެއްވެފައެވެ.
ޑިމޮކްރެޓްސްއިން ތުހުމަތު ކުރާ ގޮތުގައި، ޕާޓީ އުފައްދަން އީސީގެ ދެ މެމްބަރުން ހުރަސްއަޅައެވެ.
ޕާޓީ އުފެއްދުމުގެ ޖަލްސާ ބޭއްވޭނީވެސް އަދި ޕާޓީގެ އަސާސީ ކަންކަން ފާސް ކުރެވޭނީވެސް ޕާޓީގެ ރަޖިސްޓްރީ ލިބިގެން ކަމުގައި ވާތީ، އަދި ކުރިއަށް އޮތީ އީދު ބަންދަށް ކަމުގައި ވާތީ، ޕާޓީގެ ރަޖިސްޓްރީ ހޯދުމަށް އެ ޕާޓީ އުފެއްދުމަށް އިސްކޮށް އުޅުއްވާ ބޭފުޅުން އެކަމުގެ ކަންބޮޑުވުން ފާޅުކޮށް އީސީއަށް ދިޔައީއެވެ.
ޑިމޮކްރެޓްސްގެ މެމްބަރުން ބުނަމުން ދަނީ، އީސީ ދޫކޮށް ދާނީ ރަޖިސްޓްރީ ލިބުމުން ކަމަށެވެ.
ދި ޑިމޮކްރެޓްސް އުފެއްދުމުގެ ހުއްދަ އިލެކްޝަންސްއިން ދީފައި ވާއިރު، އެ ޕާޓީން މިއަހަރުގެ ރިޔާސީ އިންތިހާބުގައި ވާދަކުރަންވެސް ވަނީ ނިންމާފައެވެ.
Advertisement
This content is created and paid for by advertisers and does not involve Voice Journalists
