ފަލަސްޠީނުގެ ބައިތަލަހްމުގައި ޒުވާނަކަށް ހަމަލާދީ ޝަހީދުކޮށްލައިފިއެވެ.

އިޒްރާއިލްގެ ސިފައިން ފަލަސްޠީނުގެ 20 އަހަރުގެ ޒަކަރިއްޔާ މުޙައްމަދު އަލް ޒައުލް ޝަހީދުވެފައިވަނީ އިޒްރާއިލް ސިފައިން ހުއްޓުމެއް ނެތި ދެމުންދިޔަ ބަޑީގެ ހަމަލާތަކުގެ ސަބަބުން ކަމަށް ފަލަސްޠީނުގެ ހެލްތް މިނިސްޓްރީ އިން ބުނެފައިވެއެވެ. އަދި އޭނާ ޝަހީދުވެފައިވަނީ  އޭނަގެ ބޮލަށް އެރި ބަޑީގެ ހަމަލާއެއްގެ ސަބަބުންނެވެ.

ޢަރަބް ނިއުސް ގައި ބުނެފައިވަނީ ޒަކަރިއްޔާ ޝަހީދުވުމަށްފަހުވެސް އިޒްރާއިލްގެ ސިފައިން އޭނާގެ ހަށިގަނޑަށް ބަޑީގެ ހަމަލާތައް ދީފައިވާކަމަށެވެ. ޢަރަބް ނިއުސްގައި އިތުރަށް ބުނެފައިވަނީ އިޒްރާއިލް ސިފައިން އޭނާގެ ހަށިގަނޑަށް ބަޑިޖަހަފައިވަނީ އޭނާ އިޒްރާއިލް ސިފައިންނަށް އަމާޒުކޮށް ޕެޓްރޯލް ބޮން އުކާ ކަމަށް ބުނެ ކަމަށެވެ.

Advertisement

އިޒްރާއިލް ސިފައިން ބުނެފައިވަނީ ސިފައިން ނުކުމެ އުޅުނީ ރޫޓިން އެކްޓިވިޓީ އަށް ކަމަށެވެ. އަދި އިޒްރާއިލް ސިފައިން ޒަކަރިއްޔާ އަށް ހަމަލާދީފައިވަނީ އެނާގެ ކިބައިން ޝައްކު ކުރެވޭ ފަދަ ޢަމަލުތަކެއް ފެނިގެން ކަމަށެވެ.

ފަލަސްޠީނުގެ ވަފާ ނިއުސް އެޖެންސީ އިން ބުނެފައިވަނީ އިޒްރާއިލް ސިފައިން ޒަކަރިއްޔާއާއި ކުރިމަތިލައިފައިވަނީ ބަޑީގެ ހަމަލާތަކާއި، ކަރުނަ ގޭސް އަދި ސްޓަން ގްރެނޭޑްސް އާއި އެކުގައި ކަމަށެވެ.

ޒަކަރިއްޔާގެ މަރު ހިމެނިގެންދާނީ އިޒްރާއިލް ސިފައިން ހިންގަމުންދަ ލާއިންސާނީ ޢަމަލުތަކުގެ ތެރެއިން ފާހަގަ ކޮށްލެވޭ ފަދަ ކަމަކަމަށެވެ. އޭނާގެ މަރާއި އެކު މިއަހަރު އިޒްރާއިލް ސިފައިން ޝަހީދު ކޮށްލި ފަލަސްޠީނުގެ މީހުންގެ ޢަދަދު 165 ކަށް އެރީއެވެ.

އިޒްރާއިލުން ފަލަސްޠީނުގެ ދެކުނު އައްސޭރި އެމީހުންގެ ބާރުގެ ދަށަށް ގެންގޮސްފައިވަނީ 1967 ގައެވެ. އޭގެ ފަހުން މިލިޓަރީ ރެއިޑް ތައް ހިންގުމާއި ފަލަސްޠީނުގެ ރައްޔިތުންނަށް ވައިގެ ހަމަލާތައް ދިނުމަކީ ޢާންމުކޮށް އިޒްރާއިލް ސިފައިން ކޮށް އުޅޭ ކަމަކެވެ.