އިސްލާމީ މަރުކަޒު މުންނާރު ވަށައިގެން މަސްފެންގަނޑެއްހަދާ ދިއްލުމުގެ މަސައްކަތްކޮށްދޭނެ ފަރާތެއް ހޯދުމަށް އިސްލާމިކް މިނިސްޓްރީން އިއުލާނު ކޮށްފިއެވެ.

އިސްލާމިކް މިނިސްޓްރީން ބުނީ، މި ބީލަން ހުޅުވާލެވިފައިވަނީ، ވިޔަފާރި ރަޖިސްޓްރީ ކުރުމުގެ ޤާނޫނުގެ ދަށުން ވިޔަފާރި ރަޖިސްޓްރީ ކޮށްފައިވާ ކުދި އަދި މެދު ފަންތީގެ ވިޔަފާރިތަކަށް ކަމަށެވެ.

އެހެންކަމުން، މިކަމަށް ޝައުގުވެރިވާ ފަރާތްތަކުން އަންދާސީ ހިސާބު ހުށަހެޅުމަށް ރަޖިސްޓްރީ ކޮށް، މަޢުލޫމާތު ސާފުކުރުމަށްފަހު މިނިސްޓްރީއަށް އަންދާސީ ހިސާބު ހުށަހެޅުއްވުން މިނިސްޓްރީން ވަނީ އެދިފައެވެ.

Advertisement

މިކަމާ ގުޅިގެން ބޭއްވުމަށް ހަމަޖެހިފައިވާ ޕްރީބިޑް މީޓިން އޮންނާނޯ މާދަމާ މެންދުރު 1:30 ގައި އިސްލާމީ މަރުކަޒުގައެވެ.

އެހެންކަމުން މި މަސައްކަތުގެ ބީލަމުގައި ބައިވެރިވާން އެދޭ ފަރާތްތަކުން މާދަމާ މެންދުރު 1:00ގެ ކުރިން، އެކަމަށް ހާއްސަ ކުރެވިފައިވާ ލިންކު ( https://forms.office.com/r/Ecf0RpvDYm) މެދުވެރިކޮށް ރަޖިސްޓްރީ ކުރުމަށް މިނިސްޓްރީން ވަނީ އެދިފައެވެ. 

އަންދާސީ ހިސާބު ހުށަހެޅުން ބޭއްވުމަށް ހަމަޖެހިފައި ވަނީ ޖުލައި 06 ވާ ބުރާސްފަތި ދުވަހުގެ 11:00 ގައެވެ. އަންދާސީ ހިސާބު ހުށަހެޅުމަށް ރަޖިސްޓްރީ ނުކުރާ ފަރާތްތަކަށް އަންދާސީ ހިސާބު ހުށަހެޅުމުގެ ފުރުސަތު ނޯންނާނެ ކަމަށް އިސްލާމިކް މިނިސްޓްރީން ބުންޏެވެ.

އިތުރު މަޢުލޫމާތު ބޭނުންވާ ފަރާތްތަކުން، ޖުލައި 03 ވާ ހޯމަ ދުވަހުގެ 11:00 ކުރިން [email protected] އަށް އީމެއިލް ކުރުމަށް ނުވަތަ 3020252،3020238 ނަންބަރާ ގުޅައި މަޢުލޫމާތު ސާފު ކުރުމަށް މިނިސްޓްރީން އެދެއެވެ.