އަދުގެ ސަރުކާރުން އިދިކޮޅު ރިޔާސީ ކެންޑިޑޭޓު، އަދި ކުރީގެ ރައީސް އަބްދުالله ޔާމީންގެ ޝަރީއަތްތަކަށް ނުފޫޒު ފޯރުވަމުންދާ ކަމަށާ، އެކަން ކުރައްވަނީ ރައީސް އޮފީހުގެ "ނަސީރު ކިޔާ ބޭފުޅެއް" މެދުވެރިކޮށް ކަމަށް މަހިބަދޫ ދާއިރާގެ މެންބަރު އަހްމަދު ތޯރިގް (ޓޮމް) ތުހުމަތު ކުރައްވައިފި އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުން ޓޮމް ވިދާޅުވީ، ރައީސް ޔާމީން ގެ މައްސަލަ ތަކަށް، ރައީސް އޮފީހުގެ ޗީފް އޮފް ސްޓާފް ޢަލީ ޒާހިރު، ނުފޫޒް ފޯރުއްވާ ކަމަށް އިދިކޮޅުުން ދައްކަވާތީ، މިހާރު އެކަން ކުރައްވަނީ ރައީސް އޮފީހުގައި މަސައްކަތް ކުރާ ނަސީރު ކިޔާ ބޭފުޅެއް މެދުވެރިކޮށް ކަމަށެވެ. އަދި އެ ނަސީރު، މަގުމަތިން ނަމަވެސް ހޯދަވާނެ ކަމަށް ޓޮމް ވިދާޅުވި އެވެ.
".. ދެން ވެރިކަމާ ހަވާލުވާން އޮތް ޕާޓީގެ ރިޔާސީ ކެންޑިޑޭޓުގެ މައްސަލައަށް ނުފޫޒު ފޯރުވަން އަލީ ޒާހިރު އެކަންޏެއް ނޫން. އަޅުގަނޑުމެން މިހާރު އަލީ ޒާހިރު ވާހަކަ ދައްކަވާތީ ރައީސް އޮފީހުގައި ހުރި އެހެން މީހެއް ލައްވައި ކޯޓުތަކަށް ނުފޫޒު ފޯރުވަމުން ދަނީ،" ޓޮމް ވިދާޅުވި އެވެ.
"ނަސީރު ކިޔާ މީހެއް، ރައީސް އޮފީހުގެ ނަސީރު ކިޔާ މީހަކާ ޓާސްކު އަލީ ޒާހިރު ހަވާލުކޮށްފަ މީ އަޅުގަނޑުމެންނަށް ނޭނގޭ ކަންކަމެއް ނޫން. އަޅުގަނޑުމެން އޭނަ ހޯދާނަން މަގުމަތިން ވެސް. އެ ނަސީރެއް ވެސް ހޯދާނަން މަގުމަތިން."
މަހިބަދޫ ދާއިރާގެ މެންބަރު އަހުމަދު ޠާރިގު
މިއާއެކު ޓޮމް ވިދާޅުވީ، ނުފޫޒް ފޯރުވައިގެން ރައީސް ޔާމީންގެ މައްސަލަ ކުރިއަށް ގެންދަން މަސައްކަތް ކުރި ނަމަވެސް، އެކަން ވިޔަ ނުދެއްވާނެ ކަމަށެވެ. އަދި ކުރިއަށް އޮތް ތަނުގައިބއެ ނަސީރު ހޯދައި ވެރިކަން ވެސް ބަދަލު ކުރައްވާނެ ކަމަށެވެ.
ހީނުކުރައްވާ ރައީސް ޔާމީންގެ ކޯޓުގައި ހުރި މައްސަލަތަކަށް ނުފޫޒު ފޯރުވައިގެން މިކަން ކުރިއަށް ގެންދަން. އަޅުގަނޑުމެން އޭނަ [ނަސީރު] ވެސް ހޯދާނަން ކުރިއަށް އޮތް ތިން މަސް ތެރޭގައި ވެރިކަން ވެސް ބަދަލު ކުރާނަން،" ޓޮމް ވިދާޅުވި އެވެ.
ޓޮމް ވިދާޅުވީ މައްސަލަތަކަށް ނުފޫޒު ފޯރުވަމުންދާ މައްސަލަ ހައްލުކޮށް ކަންކަން ހަމަ މަގަށް އެޅުވުމަކީ ރާއްޖޭގެ އުއްތަމަ ފަނޑިޔާރާއި ފަނޑިޔާރުގޭގައި، އަދި ހާއްސަކޮށް ސުޕްރީމް ކޯޓުގައި ތިބި ހަތް ފަނޑިޔާރުންގެ ޒިންމާއެއް ކަމަށެވެ. އެހެންކަމުން އެ ފަރާތަކުން ޒިންމާ ނަގައި ކަންކަން ހަމަ މަގަށް އަޅުވަންޖެހޭނެ ކަމަށް އޭނާ ވިދާޅުވި އެވެ.
Advertisement
This content is created and paid for by advertisers and does not involve Voice Journalists
