ހުޅުމާލޭގައި މިރޭ ހަވާ އަރުވާ ގޮތަށް ހަމަޖެހިފައިވާ ކަމަށް އެމްއެންޑީއެފްއިން ބުނެފި އެވެ. 

އެމްއެންޑީއެފްއިން ބުނީ، ހަވާ އެރުވުމަށް ހަމަޖެހިފައިވަނީ، ހުޅުމާލެ ފޭސް 2ގެ ފަރުކޮޅުފުއްޓާ ދިމާ ބޭރު މޫދު ސަރަހައްދުގައި ކަމަށެވެ. 

އަދި ހަވާ އަރުވާނީ މިރޭ 2200 ގައި ކަމަށްވެސް ބުނެފައިވެއެވެ.

Advertisement

މީގެ އިތުރުން އެމްއެންޑީއެފް އިން ބުނީ، މިއީ، ވިޔަފާރި އުސޫލުން ޕްރައިވެޓް އިވެންޓަކަށް ސިފައިންގެ ކޯޕަރޭޓިވް (ސިފްކޯ) އިން ކުރިޔަށްގެންދާ ހަރަކާތެއް ކަމަށެވެ.

އަދި ހަވާ އެރުވުން ކުރިއަށް ދާނީ 3 މިނެޓެއްހާއިރު ކަމަށްވެސް ބުނެފައިވެއެވެ. 

ސިފްކޯ އިން ގެންދަނީ ސަރުކާރާއި އަދި އަމިއްލަ ފަރާތްތަކުގެ އިވެންޓްތަކަށް ވެސް ހަވާ އެރުވުމުގެ ކަންކަން ވިޔަފާރި އުސޫލުން ކޮށްދެމުންނެވެ. އެގޮތުން، ހަވާ އެރުވުމަށް އާއްމު ގޮތެއްގައި މިނެޓަކަށް 1000 ޑޮލަރު (ގާތްގަނޑަކަށް -/15000 ރުފިޔާ) ސިފްކޯ އަށް ދައްކަން ޖެހެއެވެ.