"ސަދަން ސްޕޯޓްސް"ގެ ނަމުގައި ފިރިހެނުންނަށް ހާއްސަކޮށްގެން ވޮލީ މުބާރާތެއް ބާއްވަން އައްޑޫ ސިޓީ ސަދަން ސްޕޯޓްސް ކްލަބުން ތައްޔާރުވެއްޖެއެވެ.
މި މުބާރާތް ބާއްވަނީ މި އަހަރުގެ އަޟްހާ ޢީދުގެ މުނާސަބަތުގައެވެ.
މުބާރާތާ ބެހޭގޮތުން ސަދަން ސްޕޯޓްސް ކްލަބުން ބުނީ، މިއީ އައްޑޫގެ ވޮލީބޯޅަ ކުރިއެރުވުމަށާއި ވޮލީ ކުޅުމަށް ފުރުސަތު ގެއްލިފައިވާ ކުޅުންތެރިންނަށް ފުރުސަތު ހޯދައިދިނުމުގެ މަގުސަދުގައި ކުރިއަށް ގެންދާ މުބާރާތެއް ކަމަށެެވެ.
މިދިޔަ ފިޠުރު އީދުގައި ފެށި މި މުބާރާތް އެފަހަރު ހާއްސަކުރީ އަންހެނުންނަށެވެ. އެ މުބާރާތުގައި ހަތަރު ޓީމުން ވަނީ ވާދަކޮށްފައެވެ. އެއީ އައިލެންޑް ވޮައިސް އޮފް ޔޫތްއާއި ވޯރިއާސްގެ އިތުރުން ޕުޝްޕާ އަދި މީދޫ ވޮލީޓީމެވެ.
ފިރިހެނުންނަށް ހާއްސަކޮށްގެން، އަންނަ އަންގާރަ ދުވަހު ފަށާ ވޮލީ މުބާރާތުގައި ފަސް ޓީމަކުން ވަނީ ބައިވެރި ވެފައެވެ. އެއީ ގަން ޕޮލިސް ކްލަބް، ފޭދޫ ޓީމް، މީދޫ ވޮލީ ޓީމް، ޓީމް ވޯރިއަރސް އަދި ގުޑް ބަޑީސްއެވެ.
މި މުބާރާތުގެ މެއިން ސްޕޮންސަރަކީ ސީ ބްރީޒް ކެފޭއެވެ. އަދި ކޯ ސްޕޮންސަރުންނަކީ ހެޕީ މާކެޓް، ކޮންޓްރޯލް ޕީ، އެސްޖޭ ކޮންސްޓްރަކްޝަން އަދި ސައުތް ޕާމް ރިސޯޓް މޯލްޑިވްސްއެވެ.
މީޑިޔާ ޕާޓްނަރުންނަކީ "ވޮއިސް" އާއި ހުވަދޫ ނޫހެވެ.
Advertisement
This content is created and paid for by advertisers and does not involve Voice Journalists
