Advertisement
30 މީހުންނާއިއެކު ދަތުރުކުރަމުންދިޔަ ލޯންޗެއް އަޑިއަށް ގޮސްފި!
ނ ވެލިދުއަށް ދަތުރު ކުރަމުންދިޔަ ލޯންޗަކަށް ރާޅެއް އަރައި އަޑިއަށް ހިނގައްޖެއެވެ.
30 މީހުންނާއި އެކު ދަތުރު ކުރަމުންދިޔަ މި ލޯންޗަށް އެމްއެންޑީއެފުން މިހާރު އެހީތެރިކަން ފޯރު ކޮށްދެމުންދާ ކަމަށް އެމެއެންޑީއެފުން ބުނެފައިވެއެވެ.
"ލީޖަން7 ނަމަކަށްކިޔާ ލޯންޗަކަށް ރާޅެއް އަރައި އަޑިއަށްދިއުމުގެ ސަބަބުން އެމްއެންޑީއެފް ނޮދަން އޭރިއާ ކޯސްޓްގާޑް ފަސްޓް ސްކޮޑްރަންއިން އެހީތެރިކަން ފޯރުކޮށްދޭން ފަށައިފި" އެމްއެންޑީއެފް އިން ބުނެފައިވެއެވެ.
އެމްއެންޑީއެފުން ބުނެފައިވަނީ ލޯންޗަށް ރާޅު އަރާފައިވަނީ ނ.ރަންދެލި ރިސޯޓު ކައިރިން ކަމުގައިވުމާއެކު ލޯންޗު ވަނީ އެވަގުތު ރަންދެލި ރިސޯޓުގެ ފަޅަށް ވަދެފައި ކަމަށެވެ.
އަދި ލޯންޗު އަޑިއަށް ގޮސްފައިވަނީ ލޯންޗުގައި ތިބި މީހުން ރަންދެލި ރިސޯޓަށް ފޭބިފަހުން ކަމަށްވެސް އެމްއެންޑީއެފުން ބުނެފައިވެއެވެ.
ދުވަސްވަރަކީ ވިއްސާރަ ދުވަސްވަރެއްކަމުން މޫސުމާއި ބެހޭ އިދާރާއިން ވަނީ ކަނޑުދަތުރު ކުރުމުގައި ސަމާލުވުމަށް އިރުޝާދު ދީފައެވެ. އަދި މިއަދުވެސް ދެފަހަރެއްގެ މަތިން ރާއްޖޭގެ ބޮޑު ބަޔަކަށް ހުދު ސަމާލު ނެރެފައިވެއެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
