ގައުމުގެ ހަމަޖެހުމާ މަސްލަތަހު ކަށަވަރު ވާނީ ރައީސް ޞާލިހަށް ދެވަނަ ދައުރެއް ދީގެން ކަމަށް ހޯމް މިނިސްޓަރު އިމްރާން އަބްދުالله ވިދާޅުވެއްޖެއެވެ.
އިމްރާން ކުރެއްވި ޓުވީޓެއްގައި ވިދާޅުވީ ރާއްޖޭގެ މިއަދުގެ ހާލަތަށް އެންމެ ބޭނުންވަނީ ގައުމުގެ ހަމަޖެހުމާ މަސްލަތު ކަމަށެވެ.
"އެކަން ކަށަވަރު ކުރެވޭނީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ދެވަނަ ދައުރަކަށް އިންތިހާބު ކުރެވިގެން" އިމްރާން ވިދާޅުވިއެވެ.
މި އަހަރު ސެޕްޓެމްބަރު މަހު އޮން ރިޔާސީ އިންތިހާބުގައި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ ކޯލިޝަނަށް %51.2 ވޯޓު ލިބޭނެ ކަމަށް މީގެ ކުރިން އިމްރާން ވިދާޅުވެފައި ވެއެވެ.
ރިޔާސީ އިންތިޚާބުގައި ރައީސް ޞާލިހާއިއެކު ކޯލިޝަން ހެދުމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމަށް ދައުވަތު އަރުއްްވާފައި ވަނިކޮށް، އެ ޕާޓީގެ ފަރާތުން ކެންޑިޑޭޓެއްގެ ގޮތުގައި ގާސިމް ނުކުތުމަށް ނިންމުމާ ގުޅިގެން، ރައީސް ޞާލިހަށް އިންތިހާބު ކާމިޔާބު ނުކުރެވޭނެ ކަމަށް ގިނަ ބަޔަކު ބުނަމުން ދިއުމާ ގުޅިގެން އިމްރާން ވިދާޅުވީ އެމްޑީޕީ އާއި، ރައީސް ޞާލިހާއި އެކު ކޯލިޝަން ހެދުމަށް އެއްބަސްވެފައިވާ އަދާލަތު ޕާޓީއާއި، އެމްޑީއޭ އިން އެކުގައި، ރައީސް ޞާލިހު ދެވަނަ ދައުރަކަށް އިންތިހާބު ކުރުމަށް މަސައްކަތް ކޮށްފި ނަމަ، %51.2 އަށްވުރެ މަތިން ވޯޓު ހޯދައިގެން އިންތިހާބު ކާމިޔާބު ކުރާނީ އެމަނިކުފާނު ކަމަށެވެ.
އަދި އެފަދައިން އެ ވިދާޅުވަނީ ވަރަށް ހިސާބު ޖެހުމަށް ފަހުގައި ކަމަށްވެސް އޭނާ ވިދާޅުވި އެވެ.
Advertisement
This content is created and paid for by advertisers and does not involve Voice Journalists
