ފްލާން އަކީ ސްޕެނިޝް ޑެޒާޓެކެވެ. ފްލާން އެންމެ ވައްތަރީ އަހަރެމެން އާއްމުކޮށް އަޅާ އުޅޭ ކެރަމަލް ޕުޑިންގް އާއެވެ. މިއީ މީރު އެއްޗެއް ކާހިތްވާ ގަޑި ތަކުވެސް ފަސޭހަ ކަމާއިއެކު ހަދާލައިގެން ކާލެވޭނެ ޑެޒާޓެކެވެ. 

3/4 ޖޯޑު ހަކުރު

1/4 ޖޯޑު ފެން

1 ދަޅު ގެރިކިރު

1 ދަޅު އެވަޕޯރޭޓެޑް މިލްކް

1 3/4 ޖޯޑު ވިޕިންގ ކްރީމް 

5 ބިސް

1/4 ސައި ސަމްސާ ލޮނު

1 1/2 ސައި ސަމުސާ ވެނީލާ އެސެންސް 

1) ތަވަޔަކަށް ހަކުރާއި ފެން އަޅާފައި ވިރުވާފައި، ރަން މުށި ކުލަ އެރުމުން ޓްރޭއަކަށް އަޅައި ކެރަމަލް ލެޔާރ އެއް ހަދާލާށެވެ. 

2) ދެން ގެރިކިރު، އެވަޕޯރޭޓެޑް މިލްކް، ވިޕިންގ ކްރީމް، ބިސް، ވެނީލާ އެސެންސް އަދި ލޮނު، މިކްސަރުން އެއްކުރާށެވެ.

3) އެއަށްފަހު، އެ މިލްކް މިކްސްޗަރ ކެރަމަލް ލޭޔާއެޅި ޓްރޭއަށް އަޅާލާށެވެ. އަދި ފޮއިލް އަކުން އެ ޓްރޭގެ މަތި ބަންދު ކޮށްލާށެވެ. ފޮއިލް ގަނޑު ފްލާން މިކްސްޗަރ ގައި ޖެހުނަ ދީގެން ނުވާނެއެވެ. 

4) ދެން، އެހެން ބޮޑު ޓްރޭއަކަށް ހޫނުފެން އަޅާފައި އެ ފެނުގެ ތެރޭގައި ތައްޔާރު ކުރި ފްލާން ޓްރޭ ބެހެއްޓުމަށްފަހު 155 ޑިގްރީގައި ގާތްގަނޑަކަށް 70 މިނެޓް ވަންދެން އަވަނުން ފިހެލާށެވެ. ފިހަމުންދާއިރު، ބޮޑު ޓްރޭގެ ފެން މަދު ވޭތޯ ބަލަން ވާނެ އެވެ. އަދި އޭގެން ބޮކި އަރައިގެން ފްލާންގެ ތެރެއަށް އެޅޭތޯވެސް ބަލަންވާނެއެވެ.

5) ފްލާން ތައްޔާރު ވުމުން، ހިހޫ ކުރުމަށްފަހު ފިނި ކޮށްލުމަށްފަހު ސާރވްކުރާށެވެ.