އައްޑޫ ސިޓީގައި ކުރިއަށްދާ "ސަދަން ސްޕޯޓްސް"ގެ ފިރިހެން ވޮލީބޯޅަ މުބާރާތް 2023 ގެ ލީގު ފުރަތަމަ ދެ މެޗުވެސް މީދޫ ވޮލީ ޓީމް ކާމިޔާބުކޮށްފިއެވެ.

އާދީއްތަ ދުވަހު ފެށި މި މުބާރާތުގައި ފުރަތަމަ މެޗުގައި ބައްދަލު ކުރީ މީދޫ ވޮލީ ޓީމާއި ފޭދޫ ޓީމެވެ. ފޭދޫ ވޮލީ ކޯޓުގައި ކުޅުނު މި މެޗު ފޭދޫ ވޮލީ ޓީމް އިން ކާމިޔާބު ކުރީ 0-3 ސެޓުންނެވެ.

މި މެޗުގެ މޭން އޮފް ދަ މެޗަކަށް ހޮވިފައި ވަނީ މީދޫ ވޮލީ ޓީމްގެ ޖާރސީ ނަންބަރ 11، އަބްދުالله ސިމަން އެވެ.

މުބާރާތުގެ ދެވަނަ މެޗުގައި ބައްދަލު ކުރީ ގޭން ޕޮލިސް ކްލަބާއި ޓީމް ވޯރިއަރސް އެވެ. މި މެޗު ޓީމް ވޯރިއަރސް އިން ކާމިޔާބު ކުރީ 0-3 ސެޓުންނެވެ.

މި މެޗްގެ އެންމެ މޮޅު ކުޅުންތެރިޔަކަށް ހޮވިފައި ވަނީ ޖާރސި ނަންބަރ 6، އާދަމް ފައިރޫޒް އެވެ.

އައްޑޫ "ސަދަން ސްޕޯޓްސް" ލީގު މެޗެއްގެ ތެރެއިން --

މުބާރާތުގެ 3 ވަނަ އަދި 4 ވަނަ މެޗު އިއްޔެ ވަނީ ކުޅިފައެވެ. ތިންވަނަ މެޗުގައި ބައްދަލުކުރީ  ގުޑްބަޑީސް އާއި މީދޫ ވޮލީ ޓީމްއެވެ. މި މެޗް މީދޫ ވޮލީ ޓީމް 0-3 ސެޓުން ކާމިޔާބު ކުރިއެވެ.

މި މެޗުގެ މޭން އޮފް ދަ މެޗަކަށް ހޮވިފައިވަނީ ޖާރސީ ނަންބަރ 10 މުހައްމަދު ޔާސީން އެވެ.

ރޭގައި ކުރިއަށް ގެންދެވުނު މުބާރާތުގެ ހަތަރުވަނަ މެޗުގައި ބައްދަލު ކުރީ ފޭދޫ ޓީމް އާއި ގޭން ޕޮލިސް ކްލަބެވެ. މި މެޗު 0-3 ސެޓުން ކާމިޔާބު ކޮށްފައިވަނީ ފޭދޫ ޓީމްއެވެ.

މެޗުގެ އެންމެ މޮޅު ކުޅުންތެރިއަކަށް ހޮވިފައިވަނީ ޖަރޒީ ނަންބަރު 1، އަހްމަދު އަބްދުލް ކަރީމެވެ.

ލީގު ސްޓޭޖުގެ 5ވަނަ މެޗާއި 6ވަނަ މެޗު މިރޭ 08:00 އިން ފެށިގެން ފޭދޫ ވޮލީ ކޯޓުގައި ކުޅޭނެއެވެ. މިރޭގެ ފުރަތަމަ މެޗުގައި ވާދަ ކުރާނީ މީދޫ ވޮލީ ޓީމާއި ގޭން ޕޮލިސް ކްލަބެވެ. ދެވަނަ މެޗުގައި ވާދަ ކުރާނީ ގުޑް ބަޑީސް އާއި ޓީމް ވޯރިއަރސް އެވެ.