ޖުމްހޫރީ ޕާޓީގެ ރިޔާސީ ކެނޑިޑޭޓް ގާސިމް އިބްރާހީމްގެ ކެމްޕޭން އަތޮޅުތެރޭގައި ފެށުމަށްތަކައި ކެމްޕޭން ޓީމުން އަތޮޅުތެރެއަށް ފުރައިފިއެވެ.

އަތޮޅުތެރޭގައި ކެމެޕޭން ފެށުމުގެ ގޮތުން ޕާޓީގެ ސީނިއަރ ޓީމެއް ވަނީ ބ އަދި ރ އަތޮޅަށް މިއަދު ފުރާފައެވެ. މި ޓީމުގައި ހިމެނެނީ:-

1. ޕާޓީގެ ޑެޕިއުޓީ ލީޑާރ އަދި އުތުރު ކެމްޕެއިން މެނޭޖަރ އަމީން އިބްރާހިމް

2. ޕާޓީގެ ލީޑާރ ޤާސިމް އިބްރާހިްގެ ތަރުޖަމާން ޢަބްދުﷲ އަމީން

3. ޕާޓީގެ ލީޑަރގެ ސްޕެޝަލް އެޑްވައިޒަރ ޢަބްދުﷲ ނަވާޒް

4. ޖޭޕީގެ ޕާލަމެންޓަރީ ގްރޫޕްގެ ޑެޕިއުޓީ ލީޑަރ، ކެންދޫ ދާއިރާގެ ރައްޔިތުންގެ މަޖިލީހުގެ މެމްބަރ އަލީ ޙުސައިން

5. ޕާޓީގެ ޒުވާނުންގެ ލީގްގެ ނައިބްރައީށް ޝުއައިބް ޝިފާޒް ޝަރީފް

6. ގޮއިދޫ ދާޢިރާގެ ރައީސް އާދަމް ޝާފިއު

މިޓީމް ބ އަތޮޅުގެ ހުރިހާ ރަށަކަށާއި ރ އަތޮޅުގެ ބައެއް ރަށްރަށަށް ދަތުރު ކުރުމަށް ވަނީ ހަމަޖެހިފައެވެ.

މިޓީމުން ރަށްރަށުގެ ކެމްޕެއިން ފޯކަލް ޕޮއިންޓުންނާއި ރަށްރަށުގެ ކެމްޕެއިން ޓީމްތަކާއި މަޝްވަރާކޮށް އަތޮޅުގެ ކެމްޕެއިން ޙަރަކާތްތައް ކުރިއަށްދާގޮތާއި މެދު މަޝްވަރާކުރާނެ ކަމަށް ޖޭޕީން މައުލޫމާތު ދެއެވެ.

އަދި ރަށްރަށުގެ ސިޔާސީ މަސްރަހު ދެނެގަތުނެ ރަށްޔިތުންގެ ޝަކުވާތަށް ދެނެގަތުމަށްޓަކައި މިޓީމުން ރަށްރަށުގެ ޓީމްތަކާއިއެކު މަޝްވަރާކުރުމަށް ހަމަޖެހިފައިވެއެވެ.

މީގެ އިތުރުން ޖޭޕީގެ ރިޔާސީ ކެންޑީޑޭޓް ޤާސިމް އިބްރާހިމަށް ތާއިދު ހޯދުމުގެ ހަރަކާތްތައްވެސް ރަށްރަށުގައި ކުރިއަށް ގެންދާނެއެވެ.

ބ އަތޮޅުގެ އިތުރުން މިހާރު ހއ. އއ. އަދި ރ އަތޮޅުގެ ބައެއް ދާއިރާތަކުގައި ޖޭޕީގެ ކެމްޕެއިން ޙަރަކާތްތައް ފެށިގެން ކުރިއަށް ދާކަމަށް ޖޭޕީން ބުނެއެވެ.

މިގޮތުން ޖޭޕީގެ ލީޑަރގެ އެޑްވައިޒަރ ޔަޝްފާ އަބްދުލްޣަނީގެ ލީޑަރޝިޕްގެ ދަށުން މަކުނުދާއިރާގެ ރަށްރަށުގައި މިހާރު ވަނީ ކެމްޕޭން ހަރަކާތްތައް ފަށާފައެވެ.

އޭގެ އިތުރުން ކައުންސިލް މެމްބަރ މުޙައްމަދު އަލީ އަދި ދާއިރާ ކެމްޕެއިން ފޯކަލް ޕޮއިންޓް ފަޒީލާ ރަޝީދު މަތިވެރި ދާއިރާގައި ކެމްޕެއިން ޙަރަކާތްތައް ކުރިއަށް އެބަ ގެންދަވައެވެ.

އީދުބަންދާއި ދިމާކޮށް އަތޮޅުތެރޭގެ ކެމްޕެއިން ފެށުމާއިއެކު ޖޭޕީއިން ގެންދަވަނީ ކެމްޕެއިން ޙަރަކާތްތައް ފުލާކުރަމުންނެވެ.