ދުނިޔެ މަތީގައި ރިވެތި ގަނޑުވަރު ތަކާއި، ގެ ތަކުގައި ދިރިއުޅުމަށް އިންސާނާގެ ހިތް ނުހަނު ދަހިވެތި ވެއެވެ. އެހެން ކަމުން އެކަމަށްޓަކައި ހުއްޓާނުލަައި، ގައިން ދާ އޮހޮރުވައިގެން އެތަކެއް ގިނަ މަސައްކަތްވެސް ކުރެއެވެ. ނަމަވެސް، އެހުރިހާ މަސައްކަތް ކޮށްގެން އަޅާ ގެއަށްވުރެ، ނުވަތަ ގަނޑުވަރަށް ވުރެވެސް މާ ފުރިހަމަ، ރީތި ގަނޑުވަރެއް، ދުނިޔޭގައި ކޮށްލާ ހެޔޮ އަމަލު ތަކެއްގެ ސަބަބުން ސުވަރުގޭގައި ތިމާ އަށްޓަކައި ބިނާކުރެވޭނެކަން އެނގޭ ހެއްޔެވެ؟ 

ތިރީގައި އެވަނީ ތިމާއަށް ޓަކައި ސުވަރުގޭގައި ގަނޑުވަރެއް ބިނާ ކުރެވޭނެ ބައެއް ހެޔޮ އަމަލެވެ. 

ރަވާތިބު ސުންނަތުގެ 12 ރަކުޢަތަކީ ފަތިސް ނަމާދުގެ އިހު ސުންނަތުގެ 2 ރަކުޢަތާއި މެންދުރު ނަމާދުގެ އިހު ސުންނަތުގެ 4 ރަކުޢަތާއި ފަހު ސުންނަތުގެ 2 ރަކުޢަތާއި މަޣްރިބް ނަމާދުގެ ފަހު ސުންނަތުގެ 2 ރަކުޢަތާއި ޢިޝާ ނަމާދުގެ ފަހު ސުންނަތުގެ 2 ރަކުޢަތެވެ. ރަވާތިބު ސުންނަތްތަކުގެ ތެރޭގައި ހިމެނޭ ސުންނަތްކަން ގަދަ ވެގެންވާ 12 ރަކުޢަތަކީ މިއީއެވެ. އިމާމް މުސްލިމް ރިވާކުރައްވާފައިވާ ޙަދީޘްފުޅެއްގައިވެއެވެ.

مَا مِنْ عَبْدٍ مُسْلِمٍ يُصَلِّي لِلَّهِ كُلَّ يَوْمٍ ثِنْتَىْ عَشْرَةَ رَكْعَةً تَطَوُّعًا غَيْرَ فَرِيضَةٍ إِلاَّ بَنَى اللَّهُ لَهُ بَيْتًا فِي الْجَنَّةِ أَوْ إِلاَّ بُنِيَ لَهُ بَيْتٌ فِي الْجَنَّةِ ‏”

މާނައީ: “މުސްލިމުންގެ ތެރެއިން މީހަކު ފަރުޟްނަމާދުތަކުގެ އިތުރުން ދުވާލަކު ސުންނަތް ނަމާދުގެ ބާރަ ރަކުޢަތް الله އަށް ޓަކައި ކޮށްފި ނަމަ، މާތްالله އޭނާއަށް ސުވަރުގޭގައި ގަނޑުވަރެއް ބިނާ ކުރައްވާ ހުއްޓެވެ.”

މިސްކިތެއް ޢިމާރާތްކޮށް، މީސްތަކުންނަށް ނަމާދު ކުރެވޭނެ ގޮތް ފަހިކޮށްދިނުމަކީ ވަރަށް ގިނަ ޘަވާބާއި ދަރުމަ އޭގެ ސަބަބުން ލިބިގެންދާނެ ކަމެކެވެ. އެއީ އިންސާނާ މަރުވެގެން ދިޔުމަށްފަހު ގައި ވެސް ފައިދާކުރުވަނިވި ދެމިހުންނަނިވި ޞަދަޤާތެކެވެ.  

ރަސޫލުالله ޞައްލަالله ޢަލައިހި ވަސައްލަމަ ޙަދީޘް ކުރައްވާފައިވެއެވެ.

(مَنْبَنَىمَسْجِدًايُذْكَرُفِيهِاسْمُاللَّهِبَنَىاللَّهُلَهُبَيْتًافِيالْجَنَّةِ)

މާނައަކީ: "اللهގެ އިސްމުފުޅު ޛިކްރު ކުރުމަށް މިސްކިތެއް ބިނާކޮށްފި މީހަކަށް، އެކަލާންގެ ސުވަރުގޭ ގައި ގަނޑުވަރެއް ތައްޔާރު ކޮށްދެއްވާނެއެވެ." އެހެން ޙަދީޘެއް ގައި ވެއެވެ.

(مَنْبَنَىلِلَّهِمَسْجِدًاوَلَوْكَمَفْحَصِقَطَاةٍلِبَيْضِهَا،بَنَىاللَّهُلَهُبَيْتًافِىالْجَنَّةِ)

މާނައަކީ: "ދޫނި ބިސްއެޅުމަށް ހަދާ ހާއްޔެއްގެ މިންވަރުގެ ތަންކޮޅެއް ވެސް މިސްކިތެއްގެ ގޮތުގައި الله ގެ މަގު ގައި ބިނާކޮށްފި ނަމަ، އެ މީހަކަށް ސުވަރުގޭގައި ގަނޑުވަރެއް ބިނާކޮށްދެއްވާނެއެވެ."

މިސްކިތެއް ބިނާ ކުރުމުގެ ތަނަވަސްކަން ތިމާގެ ނެތް ނަމަވެސް ވީ މިންވަރަކުން އެކަމަށް އެހީވުމުގެ ފުރުސަތު އިންޓަރނޭޝަނަލް އެއިޑް ކެންޕެއިން އިން އޮތީ ހުޅުވާލާފައެވެ. އެގޮތުން އެ ޖަމިއްޔާއިން ހިންގާ ތަޖްރީގެ ޕްރޮޖެކްޓްގެ ތެރެއިން ޖުމްލަ 4 މިސްކިތެއް އެޅުމަށް އައިއޭސީއިން އަންނަނީ މަސައްކަތް ކުރަމުންނެވެ.

އެކަމަށް އެހީވާން ބޭނުންވާ ފަރާތްތަކުން އަންނަނިވި އެކައުންޓަށް ފައިސާ ޖަމާކުރުމަށް އެ ޖަމިއްޔާއިން އެދެއެވެ. 

عَنِ النَّبِىِّ صلى الله عليه وسلم قَالَ: ((مَنْ قَرَأَ “قُلْ هُوَ اللَّهُ أَحَدٌ” حَتَّى يَخْتِمَهَا عَشْرَ مَرَّاتٍ بَنَى اللَّهُ لَهُ قَصْرًا فِى الْجَنَّةِ)) [((سلسلة الأحاديث الصحيحة / 589]

މާނައީ: ރަސޫލުالله صلى الله عليه وسلم ގެ އަރިހުން ރިވާވެގެން ވެއެވެ. އެކަލޭގެފާނު صلى الله عليه وسلم ޙަދީޘް ކުރެއްވިއެވެ. “އިޚްލާޞް ސޫރަތް 10 ފަހަރު ކިޔަވައިފި މީހަކަށް، الله ތަޢާލާ އޭނާއަށްޓަކައި ސުވަރުގޭގައި ގަނޑުވަރެއް ބިނާކޮށްދެވާނެއެވެ.”

ރަސޫލުالله ޞައްލަالله ޢަލައިހިވަސައްލަމަ ޙަދީޘްކުރައްވާފައިވެއެވެ.

“مَنْ قَالَ فِيْ السُّوْقِ لَا إِلَهَ إِلَّا اللَّهُ وَحْدَهُ لَا شَرِيْكَ لَهُ لَهُ الْمُلْكُ وَلَهُ الْحَمْدُ يُحْيِيْ وَيُمِيْتُ وَهُوَ حَيٌّ لَا يَمُوْتُ بِيَدِهِ الْخَيْرُ وَهُوَ عَلَى كُلِّ شَيْءٍ قَدِيْرٌ كَتَبَ اللَّهُ لَهُ أَلْفَ أَلْفَ حَسَنَةٍ وَمَحَا عَنْهُ أَلْفَ أَلْفَ سَيِّئَةٍ وَبَنَى لَهُ بَيْتًا فِيْ الْجَنَّةِ” (رواه الترمزي وحسنه الألباني)

މާނައީ:”ބާޒާރުގައި، ‘ لَا إِلَهَ إِلَّا اللَّهُ وَحْدَهُ لَا شَرِيْكَ لَهُ لَهُ الْمُلْكُ وَلَهُ الْحَمْدُ يُحْيِيْ وَيُمِيْتُ وَهُوَ حَيٌّ لَا يَمُوْتُ بِيَدِهِ الْخَيْرُ وَهُوَ عَلَى كُلِّ شَيْءٍ قَدِيْرٌ ‘ މިފަދައިން ކިޔައިފި މީހަކަށް الله ހާސް ހާސް ހެޔޮކަން ލިޔުއްވަތެވެ. އަދި ހާސް ހާސް ފާފަ އަފޫކޮށްދެއްވަތެވެ. އަދި ސުވަރުގޭގައި ގެއެއް ބިނާކޮށްދެއްތެވެ.”

ސަފުތައް ސީދާކޮށް ފުރިހަމަކުރުމުގެ މާތްކަމާމެދު عبد الله بن عمر رَضِيَ اللَّهُ عَنْهُما ގެ އަރިހުން ރިވާވެގެންވެއެވެ. ރަސޫލުﷲ ޞައްލަﷲ ޢަލައިހި ވަސައްލަމް ޙަދީޘް ކުރެއްވިއެވެ. "أَقِيْمُوا الصُّفُوفَ، وَحَاذُوا بَيْنَ الْمَنَاكِبِ، وَسُدُّوا الْخَلَلَ، وَلاَ تَذَرُوا فُرُجَاتٍ لِلشَّيْطَان، وَمَنْ وَصَلَ صَفاًّ وَصَلَهُ اللَّهُ، وَمَنْ قَطَعَ صَفاًّ قَطَعَهُ اللَّهُ"(5)

މާނައީ: ތިޔަބައިމީހުން ސަފުތައް ޤާއިމު ކުރާށެވެ. ކޮނޑާއި ކޮނޑު ޖައްސާށެވެ. އަދި ހުސްތަން ފުރާށެވެ. އަދި ޝައިޠާނާއަށްޓަކައި ހުސްޖާގަތައް ދޫނުކުރާށެވެ. އަދި ސަފެއް ގުޅުވައިފި މީހާ الله އޭނާ އެއިލާހުގެ ރަޙްމަތާ ގުޅުއްވާނެއެވެ. އަދި ސަފެއް ކަނޑައިފި މީހަކު اللهތަޢާލާ އެއިލާހުގެ ރަޙްމަތުން ކަނޑުއްވާނެއެވެ.

އަދި عَائِشَةُ رَضِيَ اللَّهُ عَنْها ގެ އަރިހުން ރިވާވެގެންވެއެވެ.

"مَنْ سَدَّ فُرْجَةً رَفَعَهُ اللَّهُ بِهَا دَرَجَةً، وَبَنَى لَهُ بَيْتاً فِيْ الْجَنَّةِ"(6)

މާނައީ؛ (ސަފުގައިވާ) ހުސްތަނެއް ފުރައިފި މީހާގެ ދަރަޖަ، އޭގެ ސަބަބުން الله ތަޢާލާ އުފުއްލަވައެވެ. އަދި އޭނާއަށްޓަކައި ސުވަރުގޭގައި ގަނޑުވަރެއް ބިނާކޮށްދެއްވައެވެ.

އަދިވެސް عائشة – رَضِيَ اللَّهُ عَنْها ގެ އަރިހުން ރިވާވެގެންވެއެވެ.

"إِنَّ اللَّهَ وَمَلاَئِكَتَهُ يُصَلُّونَ عَلَى الَّذِيْنَ يَصِلُوْنَ الصُّفُوفَ"(7)

މާނައީ: ހަމަކަށަވަރުން الله އާއި އެއިލާހުގެ މަލާއިކަތުން ސަފުތައް ގުޅުވާ މީހުންނަށް ޞަލަވާތް ލައްވައެވެ.

މީގެ އިތުރުން عَبْدُ اللَّهِ بْنُ عُمَرَ رَضِيَ اللَّهُ عَنْهُما ގެ އަރިހުން ރިވާވެގެންވެއެވެ.

" خِيَارُكُمْ أَلْيَنُكُمْ مَنَاكِبًا فِي الصَّلاةِ ، وَمَا مِنْ خُطْوَةٍ أَعْظَمُ أَجْرًا مِنْ خُطْوَةٍ مَشَاهَا رَجُلٌ إِلَى فُرْجَةٍ فِي صَفٍّ فَسَدَّهَا "(8).

މާނައީ: ތިޔަބައިމީހުންގެ ތެރެއިން އެންމެ ހެޔޮ މީހަކީ، ނަމާދުގައި އެމީހުންގެ ކޮނޑުތައް އެންމެ މަޑުމީހުންނެވެ. (އެބަހީ؛ ސަފުގައި ތިބޭއިރު، އެކަކު އަނެކަކަށް ކޮނޑު ޖެހޭ ގޮތަށް ސަފު ރުކުރުވާލައިގެން ތިބޭމީހުންނެވެ.) އަދި ސަފުގައިވާ ހުސްތަނެއް ފުރުމަށްޓަކައި މީހަކު ހިނގުމަށް އަޅާ ފިޔަވަޅަށްވުރެ ދަރުމަ ބޮޑު ފިޔަވަޅެއް ނުވެއެވެ.

6) ޙައްޤު ގޮތުގައި ހުރި ނަމަވެސް ޒުވާބުކުރުން ހުއްޓައިލުން

"‏ أَنَا زَعِيمٌ بِبَيْتٍ فِي رَبَضِ الْجَنَّةِ لِمَنْ تَرَكَ الْمِرَاءَ وَإِنْ كَانَ مُحِقًّا وَبِبَيْتٍ فِي وَسَطِ الْجَنَّةِ لِمَنْ تَرَكَ الْكَذِبَ وَإِنْ كَانَ مَازِحًا وَبِبَيْتٍ فِي أَعْلَى الْجَنَّةِ لِمَنْ حَسَّنَ خُلُقَهُ ‏"‏ ‏(‏سنن ابو داوود)

މާނަ: ރަސޫލާ ޞައްލައްالله ޢަލައިހި ވަސައްލަމް ހަދީޘް ކުރެއްވި އެވެ. "އެމީހާ ހުރީ ޙައްޤުގައި ނަމަވެސް ޒުވާބުކުރުން ހުއްޓައިލާ މީހާއަށް ސުވަރުގެއިން ގަނޑުވަރެއް ލިބޭނެ ކަމުގެ ޔަގީންކަން ތިމަން ކަލޭގެފާނު ދެއްވަމެވެ. އަދި ސަމާސައަށް ނަމަވެސް ދޮގު ނުހަދާ މީހާއަށް ސުވަރުގޭގެ މެދުތެރެއިން ގަނޑުވަރެއް ލިބޭނެ ކަމުގެ ޔަގީންކަން ތިމަން ކަލޭގެފާނު ދެއްވަމެވެ. އަދި އެމީހެއްގެ އަޚްލާޤް ރިވެތި މީހާއަށް ސުވަރުގޭގެ އެންމެ މަތިން ގަނޑުވަރެއް ލިބޭނެ ކަމުގެ ޔަގީންކަން ތިމަން ކަލޭގެފާނު ދެއްވަމެވެ."

ދުނިޔެމަތީގައި ބޮޑު ގޯއްޗެއް ނުވަތަ ފުލެޓެއް ތިބާއަށް ނުލިބުނެ ކަމުގައި ވިޔަސް މިކަންކަން ކޮށްލުމުން، އެތަނުގެ ފުރިހަމަކަން ޚިޔާލަށްވެސް ނުގެނެވޭނެ، މަތިވެރިވެގެންވާ ސުވަރުގެއިން ތިބާއަށް ގަނޑުވަރެއް ލިބޭނެކަން ހަދީޘް ބަސްފުޅުތަކުން އެނގެއެވެ.