ފަލަސްޠީނުގެ ޖަލުތަކާއި ބެހޭ ވަޒީރު ކާރުއެކްސިޑެންޓެއްގައި ނިޔާވެއްޖެއެވެ.

މިއެކްސިޑެންޓް ހިނގައިފައިވަނީ  ފަލަސްޠީނުގެ ހުޅަނގު އައްސޭރީގައެވެ. މި ހާދިސާގައި މިނިސްޓަރ ޤަދްރީ އަބޫބަކްރުގެ އިތުރުން އިތުރު ދެމީހަކުވެސް ވަނީ ނިޔާވެފައެވެ. އޭގެތެރެއިން އެކަކީ ކުރީގެ އަސީރެކެވެ. އަދި އަނެއްމީހަކީ އޭނާގެ އަންހެނުންކަމަށް އަލްޖަޒީރާގައި ބުނެފައިވެއެވެ.

ޖަލުތަކާއި ބެހޭ ވަޒީރުގެ އިތުރުން ޤަދްރީ އަކީ ފަލަސްޠީން ލިބަރޭޝަން އޯގަނައިޒޭޝަންގެ ޢަސީރުންނާއި ކުރީގެ ޢަސީރުންގެ ކޮމިޝަނަރއެވެ.

އަލްޖަޒީރާގައި ބުނެފައިވަނީ މިހާދިސާ ހިނގާފައިވަނީ ޖައްމާ  ޓައުން ކައިރިން ދަތުރު ކުރަމުން ދަނިކޮށްކަމަށެވެ. އަދި ޤަދްރީ ދަތުރު ކުރަމުން ދިޔައީ ޢަސީރުންގެ ދަރިންނަށް ބޭއްވުނު ހަފްލާއަކަށް ހާޒިރުވުމަށް ފަހު ގެއަށް ދިޔުމަށް ކަމަށްވެސް އަލްޖަޒީރާގައި ބުނެފައިވެއެވެ.

ފަލަސްޠީނުގެ ރައީސް މަޙްމޫދު އައްބާސްގެ ސްޓޭޓްމެންޓެއްގައި ވިދާޅުވެފައިވަނީ ޤަދްރީ އަބޫބަކުރު  ނިޔާވުމާއި ގުޅުގެން ހިތާމަފާޅުކޮށްފައެވެ.

އަދި އޭނާއަކީ މިނިވަންކަމަށްޓަކައި ހަނގުރާމަކުރި ވަރަށް ހިތްވަރުގަދަ ފަހުލަވާނެއް ކަމަށް ބުނެފައެވެ. އަދި އޭނާއަކީ ފަލަސްޠީނުގެ ރައްޔިތުންނާއި ފަލަސްޠީނުގެ މިނިވަންކަމަށްޓަކައި އެތައް ޤުރުބާނީ ތަކެއް ވެފައިވާ ފަރާތެއްކަމަށް މަހްމޫދް ޢައްބާސްގެ ސްޓޭޓްމަންޓްގައި ވިދާޅުވެފައިވެއެވެ.

ރައީސް މަޙްމޫދް އައްބާސްގެ އިތުރުން ފަލަސްޠީނުގެ ކެބިނެޓްގެ އެހެން މިނިސްޓަރުންވެސް ވަނީ ޤަދްރީ ނިޔާވުމާއި ގުޅިގެން ހިތާމަފާޅުކޮށްފައެވެ.