އެހެން މީހެއްގެ އެކައުންޓުން އެމީހާއަށް ނޭނގި ފައިސާގެ މުއާމަލާތެއް ހިންގި މީހަކު ހޯދުމަށް ދިވެހި ފުލުހުން އިޢުލާނުކޮށްފިއެވެ.

ފުލުހުން ބުނެފައިވަނީ ފުލުހުން ޢާންމުކޮށްފައިވާ ފޮޓޯއިން ފެންނަ މީހާއަކީ އެހެން މީހެއްގެ އެކައުންޓުން، އެ މީހާއަށް ނޭނގި 10500 ދިވެހި ރުފިޔާގެ ފައިސާގެ މުއާމަލާތެއް ހިންގާފައިވާ މީހެއް ކަަމަށެވެ. އަދި އެ މައްސަލައާއި ގުޅިގެން ތަހުގީގުގައި ސުވާލު ކުރަން ބޭނުންވާތީ މިމީހާ ހޯދަން ބޭނުންވާ ކަމަަށާއި އަދި މިއީ ކާކުން ދެނެގަނެވިފައިނުވާކަމަށެވެ. 

އެހެން ކަމުން މިމީހާ ހޯދަން ބޭނުންވާ ކަމަށް ފުލުހުން ބުނެފައިވެއެވެ.

ފުލުހުން އެދިފައިވަނީ ފޮޓޯއިން ފެންނަ މީހާއާ ބެހޭ އެއްވެސް މައުލޫމާތެއް ލިބިފައިވާ ފަރާތެއް ވާނަމަ، ފުލުހުންގެ ހޮޓްލައިން ނަންބަރު 3322111 ނުވަތަ މާފަންނު ޕޮލިސް ސްޓޭޝަން ނަންބަރު 9660183 އަށް ގުޅުއްވައި ހިއްސާކުރެއްވުން އެދޭ ކަމަށެވެ.