ފާއިތުވި ހުކުރުދުވަހު ހެންވޭރު ގެއެއްގެ ތެރޭގައި ޚަބަރު ހުސްވެފައި އޮއްވައި ފެނުނު މީހަކީ އެގެއިން ވައްކަން ކުރަން ވަތް މީހެއް ކަމަށް ބެލެވޭކަމަށް ފުލުހުން ބުނެފިއެވެ.

ފުލުހުން ބުނެފައިވަނީ ބެލެވޭގޮތުގައި އޭނާ އެގެއަށް ވަދެފައިވަނީ ކަރަންޓު ކޭބަލް ވަގަށް ނެގުމަށެވެ. އަދި އޭނާ ނިޔާވެފައިވަނީ ކަރަންޓު ކޭބަލް ބުރިކުރަން އުޅުމުގެ ތެރޭގައި ކަމަށް ބެލެވޭ ކަމަށެވެ.

އަދި ނިޔާވެފައިވާ މީހާގެ ހަށިގަނޑުން ކަރަންޓު ޖެހިފައިހުރި ނިޝާންތައް ފެންނަން ހުރި ކަމަށްވެސް ފުލުހުން ބުނެފައިވެއެވެ. އަދި އޭނާ ވެއްޓިފައި އޮތް ތަނުން ވައްކަން ކުރަން ބޭނުންކުރާ އާލާތްތައް ފެންނުނު ކަމަށްވެސް ފުލުހުން ބުނެފައިވެއެވެ.

އޭނަ ޚަބަރު ހުސްވެފައި އޮއްވައި ފެނިގެން ރިޕޯޓް ކޮށްފައިވަނީ ހުކުރުދުވަހުގެ 13:20 ހާއިރުއެވެ.

އަދި އޭނާ އޭޑީކޭ ހޮސްޕިޓަލަށް ގެންދިޔަ އިރުވެސް މަރުވެފައި ވާކަމަށް އެދުވަހު އޭޑީކޭ އިން މައުލޫމާތު ދިން ކަމަށް ފުލުހުން ވަނީ ބުނެފައެވެ.