އަޟުހާ ޢީދުގައި، އުޟުހިޔާ ކަތިލުމުގެ ސުންނަތް ހެޔޮ އަގުގައި އަދާކުރުމަށް އައިއޭސީން ހުޅުވާލި ފުރުސަތުގައި، އުޟުހިޔާ ކަތިލަން އެދުނު ދިވެހިންގެ މަތިން، އުޟުހިޔާގެ ގޮތުގައި ކަތިލި ގެރިތައް އޭގެ ބެހެނި ވެރިންނަށް ބަހަން ފަށައިފިއެވެ.
އައިއޭސީން ކުރިއަށް ގެންދިޔަ މި ގަނޑުކުރި އުޟުހިޔާ ބެހުމުގެ ޕްރޮގްރާމަކީ، އުޟުހިޔާގެ ޖަނަވާރުތައް އަގު ހެޔޮކޮށް، އިސްލާމީ އުސޫލުން ކަތިލައި ގަނޑުކުރުމަށްފަހު، ނިކަމެތި ފަގީރު ގައުމުތަކަށް އެތަކެތި ކާގޯ ބޯޓެއްގައި ޝިޕް ކުރެވި ރެފިއުޖީންނަށާއި، ފަގީރުންނަށް ބެހުމަށް ކުރިއަށް ގެންދިޔަ ޕްރޮގްރާމެކެވެ.
އެގޮތުން، އުޟުހިޔާ ކަތިލަން ބޭނުން ފަރާތްތަކަށް އެ ފުރުސަތު ހުޅުވާލުމުން، އެކަމުގައި ބައިވެރިވި މީހުންގެ ފަރާތުން މުޅި ޖުމްލަ 200 ގެރި ކަތިލާފައިވާ ކަމަށް އައިއޭސީން މައުލޫމާތު ދެއެވެ. އަދި އެއީ 1400 ހިއްސާ ކަންވެސް ފާހަގަކޮށްފައިވެއެވެ.
އައިއޭސީން ބުނީ، އުޟުހިޔާގެ މަސްތައް ބެހޭނީ އެންމެ ނިކަމެތި ރައްޔިތުންނަށް ކަމަށެވެ.
އެގޮތުން، މިހާރު މަސްތައް ބެހުމުގެ މަސައްކަތް ފެށިފައިވާއިރު، އުޟްޙިޔާގެ ގޮތުގައި ޣައްޒާގައި ކަތިލެވުނު ގެރީގެ މަސް އާއިލާތަކަށް ފޯރުކޮށްދިނުމުގެ މަސައްކަތް ކުރިއަށްދާ ކަމަށް އައިއޭސީން މައުލޫމާތު ދެއެވެ.
Advertisement
This content is created and paid for by advertisers and does not involve Voice Journalists
