މިއަހަރުގެ ރިޔާސީ އިންތިޚާބަށް ތައްޔާރުވުމަށް ކުރީގެ ރައީސް އަދި އިދިކޮޅު ރިޔާސީ ކެނޑީޑޭޓް ރައީސް އަބްދުالله ޔާމީން އަބްދުލްގައްޔޫމްގެ ކެމްޕެއިންގެ ޢަމަލީ މަަސައްކަތް އެމަނިކުފާނަށް ތާއިދު ކުރައްވާ ފަރާތްތަކުން މިއަދު ފަށައިފިއެވެ.
އެގޮތުން މިއަދު ޕީޕީއެމް ޕީއެންސީ ކޯލިޝަނުން ކުރިއަށް ގެންގޮސްފައިވަނީ މާލެ ސަރަހައްދުގައި ދޮރުން ދޮރަށް ހިނގުމުގެ ހަރަކާތެވެ.
މި ހަރަކާތާއި ގުޅޭގޮތުން އެކޯލިޝަނުން ބުނެފައިވަނ މިއީ ވޯޓުލެވޭ އާބާދީގެ ދެބައިކުޅަ އެއްބައި މީހުންނަށް ވާސިލްވެ، އެފަރާތްތަކާ ބައްދަލުކުރުމަށް ފެށޭ ހަރަކާތެއް ކަމަށެވެ.
އަދި ވަރަށް އަވަހަށް ރަށްރަށުގެ ރައްޔިތުންނާ ހަމައަށް ވެސް ދަތުރުތައް ފެށިގެންދާނެ ކަމަށް އެ ކޯލިޝަނުން ވަނީ ބުނެފައެވެ.
"މިކެމްޕެއިން މި ބާރުމިނުގައިގޮސް ރައީސް ޔާމީން މި އިންތިޚާބު ކާމިޔާބު ކުރައްވާނެ."
އިދިކޮޅު ކޯލިޝަން
މިއަދުގެ މިހަރަކާތުގައި ޕީޕީއެމް ޕީއެންސީގެ ލީޑަރޝިޕްގެ ބޭފުޅުންނާއި ސެނެޓަރުންނާއި ދާއިރާތަކުގެ ރައީސުންނާއި ސްޓިއަރިން ކޮމިޓީތަކުގެ މެމްބަރުންނާއި އާންމު މެމްބަރުންވެސް ބައިވެރިވެފައިވެއެވެ.
Advertisement
This content is created and paid for by advertisers and does not involve Voice Journalists
