މާލެއިން ފުރައިގެން އދ.މަހިބަދޫއަށް ދަތުރުކުރަމުންދިޔަ މުދާ އުފުލާ ބޯޓެއް އަޑިއަށްދާތީ ފުލުހުން ހަރަކާތްތެރިވާން ފަށައިފިއެވެ. 

"ވޮއިސް" އަށް މައުލޫމާތު ލިބިފައިވާ ގޮތުގައި އަޑިއަށް ދަނީ، މަހިބަދޫ މުދާ އުފުލާ ބޯޓެއް ކަމުގައި "ރިކާޑޯ" އެވެ. 

މާލެއިން ވިޔަފާރި މުދާ ތަކާއި އެކު މަހިބަދޫއަށް އެ ދޯނި ދަތުރު ކުރަމުންދަނިކޮށް، އަޑިއަށްދާތީ، އެ ސަރަހައްދަށް އެރަށު، "ވެރޯނާ" ދަތުރު ފަށާފައިވާއިރު، ފުލުހުންވެސް އެ ސަރަހައްދަށް ދަތުރު ކުރަމުންދާ ކަމަށް ފުލުހުންގެ މީޑިއާ އޮފިޝަލް ވޮއިސް އަށް މައުލޫމާތު ދެއްވައެވެ.

އަދި އަނދިރި ވުމުގެ ސަބަބުން ދޯނި މިހާތަނަށް ނުފެންނަށް ކަމަށްވެސް މައުލޫމާތު ލިބެއެވެ.

ނަމަވެސް ފުލުހުންނަށް އެ ދޯންޏާއި ގުޅިފައިވާ ކަމަށް، ދާދިފަހުން މައުލޫމާތު ލިބިފައިވާ ކަމަށް މަހިބަދޫ ކައުންސިލްގެ ރައީސް ރަޝާދު އަލީ ވޮއިސް އަށް މައުލޫމާތު ދެއްވާފައިވެއެވެ. އަދި އެ ރަށު ވެރޯނާ ދޯނި އެ ސަރަހައްދަށް ފުރާފައި ވަނީ ފެން ހިއްކުމަށް ބޭނުން ކުރާ ޕަންޕާއި، މީހުންނާއި އެކު ގައި ކަމަށްވެސް ރަޝާދު މައުލޫމާތު ދެއްވައެވެ. 

މިކަމާއި ގުޅިގެން އެމްއެންޑީއެފްގެ މީޑިއާ އޮފިޝަލް ވޮއިސް އަށް ވިދާޅުވީ މާލެއިން ފުރައިގެން މަހިބަދޫއަށް ދަތުރު ކުރަމުންދިޔަ ރިކާޑޯ ދޯނި ގެއްލިގެން ފުލުހުން ހޯދަމުންދާ ކަމުގެ މައުލޫމާތު އެ އިދާރާއަށް ލިބިފައިވާ ކަމަށެވެ. 

ތަފްސީލް އަންނަނީ..