ރަައީސުލްުމްހޫރިއްޔާ އިބްރާހިމް މުޙައްމަދު ޞާލިޙުގެ ރިޔާސީ ކެންޕެއިންގެ ތެރެއިން ށ. ކޮމަންޑޫ ވަޑައިގެންނެވިއިރު، އެރަށުން ފެނިގެން ދިޔައީ އެމަނިކުފާނުގެ ވެރިކަމުގައި ގެންނެވި ހެޔޮ ބަދަލު ކަމަށް ފޮރިން މިނިސްޓަރު އަބްދުالله ޝާހިދު ވިދާޅުވެއްޖެއެވެ.
ރައީސް ޞާލިހުގެ ކެންޕެއިނަށް ށ އަތޮޅުގެ ރަށްތަކަށް ދަތުރު ފައްޓަވާފައިވާއިރު، އެ ދަތުރުފުޅުގެ ތެރެއިން އެންމެ ފުރަތަމަ ވަޑައިގެންނެވީ އެ އަތޮޅު ކޮމަންޑޫއަށެވެ.
އެރަށުން އެމަނިކުފާނަށް ދެއްވި ހޫނު މަރުހަބާ އާއި އެކު، ޝާހިދު ކުރެއްްވި ޓުވީޓެއްގައި ވިދާޅުވީ، ރައީސް ޞާލިޙު ށ. ކޮމަންޑޫ، މަރޮށި، ނޫމަރާ އަދި ފޯކައިދުއަށް ކުރައްވާ ދަތުރުފުޅުގައި ށ. ކޮމަންޑޫއަށް ވަޑައިގަތުމުން އެމަނިކުފާނަށް މަރުހަބާ ދެންނެވި ރައްޔިތުންގެ މޫނުމަތިން ފެންނަމުންދިޔައީ އުފާވެރިކަން ކަމަށެވެ.
"ރަށުތެރެއިން ފެންނަނީ އަމާންކަން! މިއީ ރައީސް ޞާލިހު ގެންނަވާފައިވާ ހެޔޮ ބަދަލަކީ." ޝާހިދު ވިދާޅުވިއެވެ.
މީގެ އިތުރުން ވެސް ކޮމަންޑޫ ދަތުރުފުޅާއި ގުޅިވައި ޝާހިދު ކުރެއްވި އިތުރު ޓްވީޓެއްގައި ވަނީ، އުފާވެރި އަމާން ރާއްޖެއެއް ކޮންމެ ރައްޔިތަކު ވެސް ބޭނުންވާނެ ކަމަށާ އެފަދަ ހަމަޖެހޭ އަމާން މުޖުތަމަޢެއް ޤާއިމުކުރަންޖެހޭ ކަން ފާހަގަކުރައްވާފައެވެ.
"އަމާން މުޖުތަމަޢެއް ހޯދައި، އެއްވެސް ރަށެއް ބާކީނުވާނޭހެން ތަރައްޤީ ގެނައުމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ކުރެއްވި، އަދި ކުރައްވަމުންދާ މަސައްކަތުގެ ފޮނި ނަތީޖާ މިދަނީ ފެންނަމުން. އެކަން ކޮމަންޑޫއިން ފެނޭ!" ޝާހިދު ވިދާޅުވިއެވެ.
ރައީސް ޞާލިހުގެ ށ އަތޮޅަށް ކުރައްވަމުންދާ މި ދަތުރުފުޅުތަކުގައި ރައްޔިތުންނާއި ބައްދަލުކުރައްވާ، ރައްޔިތުން ބޭނުންވާ ކަންކަން ދެނެގަތުމަށް މަޝްވަރާ ބައްދަލުވުންތަކާއި، ޖަގަހަ ބައްދަލުވުންތައް އަންނަނީ ކުރިއަށް ގެންދަވަމުންނެވެ.
ކުރިއަށް އޮތް ރިޔާސީ އިންތިޚާބަށް އެމަނިކުފާނުގެ މެނިފެސްޓޯ އެކުލަވާލުމުގެ މަސައްކަތް ކުރަމުންދާއިރު، ރަށްތަކަށް ކުރައްވާ ދަތުރުފުޅުތަކުގެ ތެރެއިން ޙާލަތު ވަޒަންކުރުމާއި ރައްޔިތުންނަށް އެންމެ ބޭނުން ޖެހިފައިވާ ކަންކަން ބަލައި ދެނެގަތުމުގެ މަސައްކަތްތައް ވެސް ކުރިއަށް ގެންދިއުމަށް ވަނީ ނިންމާފަ އެވެ.
Advertisement
This content is created and paid for by advertisers and does not involve Voice Journalists
