އިންތިހާބާއި ދިމާކޮށް ފިކުރެއްހިޔާލެއްނެތި ދުލައްއައިހާ ވަޢުދެއްވަމުން ދިއުމަކީ އަނިޔާވެރި ޑިކްޓޭޓަރުންގެ ގެންގުޅޭ އުކުޅެއް ކަމަށް ރައްޔިތުންގެ މަޖިލީހުގެ މާވަށު ދާއިރާގެ މެންބަރު މުހައްމަދު ސަޢީދު ވިދާޅުވެއްޖެއެވެ.
މި ހިނގާ ޖުލައި މަހުގެ ނިޔަލަށް ދެ ކޮމަންޑޫ ދޭ ތެރޭ އޮތް ބިން ހިއްކާ، ދެ ކޮމަންޑޫ ގުޅާލާ ރައްޔިތުންގެ މަޖިލީހުގެ ކޮމަންޑޫ ދާއިރާގެ ބައި-އިލެކްޝަނުގެ ކެމްޕޭނުގައި ވެ ވަޑައިގެންނެވި ވައުދު ފުއްދަވާދެއްވާނެކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު ވިދާޅުވުމާއި ގުޅިގެން ސަޢީދު ކުރެއްވި ޓްވީޓެއްގައި ވިދާޅުވީ، އެފަދަ ވައުދުތަކުން ރައީސް ޞާލިހުގެ އޮޅުވާލުމާއި އަނިޔާވެރި ވިސްނުން އިތުރަށް ބޭޒާރުވަމުންދާ ކަމަށެވެ.
"ބަޖެޓްނުކޮށް، ބަޖެޓަށް ބަލާލުމެއްނެތި، ރާއްޖެ ސަލާމަތް ނުވާވަރަށް ދަރުވާލައި، އަދި ބަޖެޓަށާއި ޚަރަދަށް ޒިއްމާނުވާގޮތަށް އަމިއްލައަށް ޤާނޫނު ބަދަލުކޮށް އިންތިހާބަށް ވާދަކުރުމުން އިބްރާހީމް މުހައްމަދު ޞާލިހުގެ އޮޅުވާލުމާއި އަނިޔާވެރި ވިސްނުންމިދަނީ އިތުރަށްބޭޒާރުވަމުން" ސައީދު ވިދާޅުވި އެވެ.
ރައީސް ޞާލިހުގެ ރިޔާސީ ކެމްޕޭނު ފެއްޓުމަށް ށ. އަތޮޅު ކޮމަންޑޫގައި ބޭއްވި ޖަލްސާގައި ރައްޔިތުންނާއި މުޚާތަބުކުރައްވާ ވާހަކަދައްކަވަމުން ރައީސް ޞާލިހު ވިދާޅުވީ ދެ ކޮމަންޑޫ ގުޅާލުމަށް ބޭނުންކުރާނީ ސަރުކާރުން އަލަށް ގެންނަ ޑްރެޖަރު ކަމަށެވެ.
އެ ޑްރެޖަރު އެންމެ ފުރަތަމަ ގެންދިއުމަށް ނިންމާފައިވަނީ އިހަވްންދޫއަށް ކަމަށާއި، އެފަހުން ޖުލައި މަހުގެ މެދެއްހާ ހިސާބުގައި ކޮމަންޑޫއަށް އެ ޑްރެޖަރު ގެނެވޭނެ ކަމަށެވެ.
އެއާއެކު ދެ ކޮމަންޑޫ ގުޅާލުމުގެ މަސައްކަތް ވަރަށް ހަލުވި ދުވެލީގައި ކުރިއަށް ގެންގޮސް ޖުލައި މަސް ނިމެންވާއިރަށް ދެ ކޮމަންޑޫ ގުޅާލުމުގެ މަސައްކަތް ނިންމާލެވޭނެަމަށް ރައީސް ޞާލިހު ވިދާޅުވި އެވެ.
Advertisement
This content is created and paid for by advertisers and does not involve Voice Journalists
