ޖެނީންގެ 333 އަށްވުރެ ގިނަ އާއިލާއަށް އިންޓަރނޭޝަނަލް އެއިޑްސް ކެމްޕޭނުގެ ފަރާތުން އެހީ ފޯރުކޮށްދެވިއްޖެ ކަމަށް އެ ޖަމިއްޔާއިން ބުނެފިއެވެ.

އައިއޭސީއިން ބުނީ ޖެނީން ކޭމްޕް ގައި ތިބި 333 އަށްވުރެ ގިނަ އާއިލާއަށް އެހީގެ ތަކެތި ފޯރުކޮށްދެވިފައިވާ ކަމަށެވެ. އައިއޭސީއިން ބުނީ ދެ ޓްރަކްގެ ސާމާނު ޖެނީންގައި އެހީއަށް ބޭނުން ޖެހިފައި ތިބި ފަރާތްތަކަށް ބަހައިފައިވާކަމަށެވެ.

އެހީގެ ތަކެތި ބެހުމުގައި އައިއޭސީގެ ވޮލެންޓިއަރުންނަށް ގިނަ ގޮންޖެހުން ތަކަކާއި ވަނީ ކުރިމަތިވެފައެވެ. އިޒްރާއިލުމް ޖެނީން އަށް ވަދެ ދިން ހަމަލާތަކުގެ ސަަބަބުން އެސިޓީގެ މަގުތަކަށް ވަނީ ބޮޑެތި ގެއްލުންތަކެއް ލިބިފައެވެ. އަދި އެހެނިހެން ސަބަބުތަކާއި ހެދި މަގުތައް ބަންދުވުމުގެ ސަބަބުން އެތައް ގޮންޖެހުން ތަކެއް ކުރިމަތިވިކަމަށް އައިއޭސީއިން ވަނީ ބުނެފައެވެ.

Advertisement

އެހީގެ ތަކެތީގެ ގޮތުގައި އައިއޭސީއިން ބަހާފައިވަނީ  ކާބޯތަކެތީގެ ޕެކޭޖް،  ބްލެންކެޓް، ގޮދަނޑި،  ކުޑަކުދިންގެ ހެދުން އަދި ފަސްޓް އެއިޑް އަދިމެޑިކަލް އިކުއިޕްމެންޓެވެ.

އައިއޭސީއިން ބުނީ އެހީތެރިކަން ފޯރުކޮށްދިން ކޮންމެ އާއިލާއަކަށްވެސް ދެވިފައިވާނީ އެއާއިލާއަކަށް ބޭނުންވާ ތަކެތިން ބޭނުންވާ މިންވަރަށް ކަމަށެވެ.

ދާދި ފަހުން އިޒްރާއިލް ސިފައިން ފަލަސްޠީނުގެ ޖެނީން އަށް އަރައި މެދުނުކެނޑި ދެދުވަސް ވަންދެން ދިން ހަމަލާތަކުގެ ސަބަބުބް ޖެނީންގެ މީހުން ދިރިއުޅޭ ގޭގޭގެ 80 ޕަސެންޓް ވަނީ ހަލާކުވެފައެވެ. އަދި މިހަމަލާތަކުގައި 12 މީހަކު ޝަހީދުވެފައިވެއެވެ.