ށ. ކޮމަންޑޫ ޖެޓީގައި ޖެހި ތޮޔޮ ބޯޓެއް ފަޅައިގެން ގޮސް އަޑިއަށް ދާން ފަށައިފިއެވެ. 

އެމްއެންޑީއެފް އިން ބުނީ، ކޮމަންޑޫއަށް ތެޔޮ އަންލޯޑުކުރަމުން ދަނިކޮށް، އެ ރަށު ޖެޓީގެ ޝީޓް ޕައިލްއެއްގައި ޖެހި، އެފްއެސްއެމްގެ ތެޔޮ ބޯޓެއް ފަޅައިގެން ގޮސް ދިޔަ ވާތީ، އެމްއެންޑީއެފް ނޮދަން އޭރިއާ ކޯސްޓްގާޑް ފަސްޓް ސްކޮޑްރަންއިން އެހީތެރިކަން ފޯރުކޮށްދޭން ފަށާފައިވާ ކަމަށެވެ.

މި ހާދިސާގެ މަޢުލޫމާތު އެމްއެންޑީއެފް ނޮދަން އޭރިއާ ކޯސްޓްގާޑް ފަސްޓް ސްކޮޑްރަންއަށް ލިބުމާއެކު، އެ ސަރަހައްދަށް ގޮސް، މިއަދު 10:00 ހާއިރުން ފެށިގެން އެމްއެންޑީއެފް ނޮދަން އޭރިއާ ކޯސްޓްގާޑް ފަސްޓް ސްކޮޑްރަންގެ ޑައިވަރުންގެ ޓީމެއް އެހީތެރިކަން ފޯރުކޮށްދިނުމަށް އެ ސަރަހައްދުގައި ހަރަކާތްތެރިވަމުން އަންނަ ކަމަށް އެމްއެންޑީއެފްއިން މައުލޫމާތު ދެއެވެ. 

Advertisement

ޝީޓް ޕައިލްގައި ޖެހި އެފްއެސްއެމްގެ ތެޔޮ ބޯޓުން 8 އިންޗި ވަރުގެ ތަނެއް ފަޅައިގެން ގޮސްފައިވާއިރު، ބޯޓު މިހާރު އޮތީ ށ.މަތިކޮމަންޑޫއަށް ބީއްސާލާފައި ކަމަށް އެމްއެންޑީއެފްއިން ބުނެއެވެ. އަދި، ފަޅައިގެން ގޮސްފައިވާ ތަނަށް އުނގުރިއެއް ޖަހައި ދިޔަވުން މިހާރު ވަނީ ކޮންމެވެސް ވަރަކަށް ކޮންޓްރޯލް ކުރެވިފައި ކަމަށް ވެސް ބުނެފައިވެއެވެ.