ސޫޖީ ގެ ހުރިހާ ވައްތަރަކީ ވެސް ތައްޔާރު ކޮށްލަން ފަސޭހައަށް، އަނގަޔަށް މީރު އެއްޗެކެވެ. މިއަދު ވޮއިސް ގެ ބަދިގެއިން މި ގެނެސްދެނީ ފާރޮށިން މީރުކޮށް ސޫޖީ ތައްޔާރުކުރާނެ ގޮތެވެ. 

1/2 ޖޯޑު ފާރޮށި (މުގުރާފައި)

1 ޖޯޑު ކަނަމަދު (ދިގަށްވާގޮތަށް ކޮށާފައި)

1 ފިޔާ (ތުނިތުނިކޮށް ކޮށާފައި)

½ ޖޯޑު ހިކި މޭބިސްކަދުރު

2 ސައިސަމުސާ ގިތެޔޮ (ބަދަލުގައި ވެޖެޓަބަލް އޮއިލްވެސް ބޭނުންކުރެވިދާނެ)

1 ދަޅު ގެރިކިރު

5 ކާފުރުތޮޅި

2 ރާނބާފަތް (1/2 އިންޗި އެތިކޮޅު ކޮޅަށް ކޮށާފައި)

3 އިންޗީގެ ފޮނިތޮށި ކޮޅެއް

5 ޖޯޑު ފެން

1 ސައިސަމުސާ ރޯޒް ވޯޓަރ

1) ތެއްޔަކަށް މޭޒުމަތީ ސަމުސަލެއްގެ ގިތެޔޮ އެޅުމަށްފަހު އެ ހޫނުވެ ވިރުމުން ފިޔާކޮޅާއި ކާފޫރު ތޮޅިކޮޅު އަޅައި ފިޔާކޮޅު ރަތް ވަންދެން މަޑު ގިނީގައި ކައްކާލާށެވެ. ކާފޫރު ތޮޅިކޮޅު އަޅާނީ ކޮޅުން ހުޅުވާލާފައެވެ.

2) ދެން ފިޔާކޮޅާއި ކާފޫރު ތޮޅިކޮޅު ތެލިން ނަގައި އެއްޗަކަށް އަޅާފައި ހަމަ އެ ތެއްޔަށް ހިކި މޭބިސްކަދުރު ކޮޅު އަޅާލާފައި މޭބިސްކަދުރު ކޮޅުގެ ފުފެން ފަށަންދެން ކައްކާށެވެ. 

3) އެއަށްފަހު ހިކި މޭބިސްކަދުރު ވެސް ނެގުމަށްފަހު އެ ތެއްޔަށް ½ މޭޒުމަތީ ސަމުސާ ގިތެޔޮ އެޅުމަށްފަހު ކަނަމަދުކޮޅުވެސް އަޅައި ކުލަ ބަދަލުވަންދެން ކައްކާށެވެ.

4) ދެން ކަނަމަދު ކޮޅުވެސް ނަގާފައި، އެ ތެއްޔަށް މޭޒުމަތީ ސަމުސަލެއްގެ ގިތެޔޮ އަޅާފައި އޭގެތެރެއަށް ފާރޮށި ކޮޅު އަޅައިގެން ހަލުވަމުން ކުޑަކޮށް ކައްކާށެވެ. 

5) އެއަށްފަހު އޭގެ ތެރެއަށް ފެނާއި، ފޮނިތޮށްޓާއި ރާނބާފަތާއި، ކުރިން ތައްޔާރުކުރި ފިޔާކޮޅާއި، ކާފޫރު ތޮޅިކޮޅާއި ހިކި މޭބިސްކަދުރުކޮޅާއި ކަނަމަދުކޮޅުވެސް އަޅާލުމަށްފަހު ރަނގަޅަށް އެކުލަވައިލާށެވެ.

6) ދެން މެދު ގިނީގައި ބަހައްޓައިގެން ތެލީގައިވާ ތަކެތި ބޮކިޖަހާ ކެކިގަންނަންދެން ކެއްކުމަށްފަހު އޭގެ ތެރެއަށް ގެރި ކިރާއި ރޯޒްވޯޓާ ފޮދު އަޅާލާށެވެ. 

7) ހުރިހާ ތަކެތި ރަނގަޅަށް އެއްކޮށްލާފައި އިތުރު ދެ މިނެޓެއްހާއިރު ތަންކޮޅެއް މަޑު ގިނީގައި ކައްކާލާށެވެ.