ރަޝިޔާއާއި ޔުކްރޭނާއި ދެމެދު މިހާރު ހިނގަމުންދާ ހަނގުރާމައިގެތެރޭގައި ސަރުކާރުގެ ވެރިންނާއި ގާނޫން ހަދާ މަޖިލީހުގެ މެންބަރުން ޗުއްޓީ ދަތުރުތަކުގައި ދިޔުން މަނާކޮށްފައިވަނިކޮށް ޔުކްރޭންގެ ގާނޫން ހަދާ މަޖިލީހުގެ މެންބަރަކު ދިވެހި ރާއްޖެއަށް ޗުއްޓީ ދަތުރެއް ކުރުމުން އެމައްސަލަ ބޮޑުވެއްޖެއެވެ. މި ޖުލައިމަހުގެ މެދުތެރޭގައި ދިވެހި ރާއްޖެއަށް ޗުއްޓީ ހޭދަކުރުމަށް ވަޑައިގަތީ އެގައުމުގެ ރައީސް ޒެލެންސްކީގެ ސަރުކާރު ހިންގާ ޕާޓީއަށް ނިސްބަތްވެވަޑައިގަންނަވާ ޔޫރީ އެރިސްޓޯވް އެވެ. އޭނާއަކީ ޔުކްރެއިން ޕާލަމެންޓްގެ ނޭޝަނަލް ސެކިއުރިޓީ، ޑިފެންސް އިންޓެލިޖެންސް ކޮމެޓީގެ ޑެޕިއުޓީ ހެޑެވެ. އޭނާއާއި ޒެލިންސްކީއަކީ އެއް އިރެއްގައި ބިޒްނަސްޕާޓްނަރުންގެ ގޮތުގައި މަސައްކަތްކުރެއްވި ދެބޭފުޅުންނެވެ. އެރިސްޓޯވް ޗުއްޓީ ހޭދަކޮށްލަން އައިސް ހުރީ ރާއްޖޭގެ ފައިވްސްޓަރ ރިސޯޓެއްކަމުގައިވާ އިތާފުށީ ރިސޯޓްގައެވެ. އޭނާއާއި އޭނާގެ އާއިލާ އެރިސޯޓްގައި އެއްހަފްތާގައި ތިބެން ތިން ހާހާއި ފަންސަވީސް ހާސް ޕައުންޑާއި ދެމެދުގެ ހޭދައެއް ކޮށްފައިވެއެވެ. ޔުކްރެއިން އެވްރެޖް މީހެއްގެ މަހު މުސާރައަކީ 300 ވަރަކަށް ޕައުންޑެވެ. އޭނާ ރާއްޖެ އައި މައްސަލަ ޔުކްރޭންގެ ސެކިއުރިޓީ ސާވިސްއިން މިހާރު ތަހްގީގު ކުރަމުންދާކަމަށް ޚަބަރުތައް ބުނެއެވެ.
ދިވެހި ޜާއްޖެއަކީ ޔުކްރޭނާއި ރަޝީޔާގެ ފަތުރުވެރިންގެ އެންމެ މަގްބޫލް އެއް ޓޫރިސްޓް ޑެސްޓިނޭޝަނެވެ.
Advertisement
This content is created and paid for by advertisers and does not involve Voice Journalists
